പൂനെ: രഞ്ജി ട്രോഫി ക്രിക്കറ്റ് സെമി പോരാട്ടങ്ങളില്‍ ബംഗാളിനെതിരേ ഡല്‍ഹിക്കും വിദര്‍ഭയ്‌ക്കെതിരേ കര്‍ണാടകയ്ക്കും മുന്‍തൂക്കം. ബംഗാളിന്റെ ഒന്നാം ഇന്നിങ്‌സ് 286 റണ്‍സില്‍ അവസാനിപ്പിച്ച ഡല്‍ഹി രണ്ടാം ദിനം കളി നിര്‍ത്തുമ്പോള്‍ മൂന്ന് വിക്കറ്റ് നഷ്ടത്തില്‍ 271 എന്ന ഭേദപ്പെട്ട സ്‌കോറില്‍. ഏഴ് വിക്കറ്റുകള്‍ കൈയിലിരിക്കേ ഡല്‍ഹിക്ക് ബംഗാള്‍ സ്‌കോറിനൊപ്പമെത്താന്‍ 15 റണ്‍സ് കൂടി മതി. ഡല്‍ഹിക്കായി ഗംഭീര്‍ (127), ചന്ദെല (113) എന്നിവര്‍ സെഞ്ച്വറി നേടി.
വിദര്‍ഭയെ 185 റണ്‍സില്‍ പുറത്താക്കിയ കര്‍ണാടക രണ്ടാം ദിനം കളി നിര്‍ത്തുമ്പോള്‍ എട്ട് വിക്കറ്റ് നഷ്ടത്തില്‍ 294 റണ്‍സെന്ന നിലയില്‍. എട്ട് വിക്കറ്റുകള്‍ ശേഷിക്കേ കര്‍ണാടക 109 റണ്‍സിന്റെ നിര്‍ണായക ലീഡ് സ്വന്തമാക്കി. കര്‍ണാടകയ്ക്കായി മലയാളി താരം കരുണ്‍ നായര്‍ സെഞ്ച്വറിയുമായി (148) പുറത്താകാതെ നില്‍ക്കുന്നു.