കൊച്ചി: ക്രൈസ്റ്റ് അക്വാട്ടിക് ഷട്ടില്‍ അക്കാദമിയുടെ ആഭിമുഖ്യത്തില്‍ സംഘടിപ്പിക്കുന്ന രണ്ടാമത് ചുങ്കത്ത് ഓപണ്‍ അഖില കേരള ജൂനിയര്‍ ബാഡ്മിന്റണ്‍ ടൂര്‍ണമെന്റ് ഈ മാസം 27ന് തുടങ്ങും. അണ്ടര്‍ 11, 13, 15, 17, 19 എന്നിങ്ങനെ അഞ്ച് വിഭാഗങ്ങളില്‍ മൂന്ന് ദിവസങ്ങളിലായി ഇരിങ്ങാലക്കുട ക്രൈസ്റ്റ് വിദ്യാനികേതന്‍ സ്‌കൂളിലാണ് ചാംപ്യന്‍ഷിപ്പ് നടക്കുന്നത്. ആണ്‍കുട്ടികളുടെയും പെണ്‍കുട്ടികളുടെയും സിംഗിള്‍സ്, ഡബിള്‍സ് മത്സരങ്ങളുണ്ടാകും.
27ന് രാവിലെ 11ന് ഇരിങ്ങാലക്കുട എം.എല്‍.എ കെ.യു അരുണന്‍ മാസ്റ്റര്‍ ഉദ്ഘാടനം ചെയ്യും. വിജയികള്‍ക്ക് ഒരു ലക്ഷം രൂപയുടെ കാഷ് അവാര്‍ഡ് കൂടാതെ സര്‍ട്ടിഫിക്കറ്റുകളും ട്രോഫികളും ലഭിക്കും. 400ഓളം കുട്ടികള്‍ പങ്കെടുക്കും.