ചേര്‍പ്പ്: വീര്യം കൂടിയ ഹാഷിഷ് വിതരണത്തിനെത്തിയ രണ്ടു യുവാക്കളെ അറസ്റ്റുചെയ്തു. കണിമംഗലം കുട്ടിയാട്ടില്‍ ഗോപന്‍ സുരേഷ് (27), കോഴിക്കോട് നല്ലളം ശ്രീഹര്‍ഷം വീട്ടില്‍ ശരത് കൈരളി(34) എന്നിവരെയാണ് ചേര്‍പ്പില്‍ നിന്നു പിടികൂടിയത്.
വീര്യം കൂടിയ 16 ഗ്രാം ഹാഷിഷും ബൈക്കുമായാണ് ചേര്‍പ്പ് എക്‌സൈസ് ഇന്‍സ്‌പെക്ടര്‍ എ.ജിജി പോള്‍ ഇവരെ അറസ്റ്റു ചെയ്തത്. തൃശൂര്‍ ഡെപ്യൂട്ടി എക്‌സൈസ് കമ്മിഷണര്‍ ടി.വി റാഫേലിനു ലഭിച്ച വിവരത്തെ തുടര്‍ന്നായിരുന്നു റെയ്ഡ്.