തിരുവനന്തപുരം: സംസ്ഥാന പട്ടികജാതി-പട്ടികഗോത്രവര്‍ഗ കമ്മിഷന്‍ ചെയര്‍മാനായി റിട്ട. ഐ.എ.എസ് ഉദ്യോഗസ്ഥന്‍ ബി.എസ് മാവോജിയെ നിയമിക്കാന്‍ മന്ത്രിസഭായോഗം തീരുമാനിച്ചു. മുന്‍ എം.പി എസ്. അജയ്കുമാര്‍, അഡ്വ. പി.കെ സിജ എന്നിവര്‍ അംഗങ്ങളായിരിക്കും.
മാവോജി മുന്‍പ് പ്രവേശന പരീക്ഷാ കമ്മിഷണര്‍ ഉള്‍പ്പെടെ സുപ്രധാന പദവികള്‍ വഹിച്ചിട്ടുണ്ട്. എസ്. അജയകുമാര്‍ സി.പി.എമ്മിന്റെ ലോക്‌സഭാംഗമായിരുന്നു. 1993 ഐ.പി.എസ് ബാച്ചിലെ യോഗേഷ് ഗുപ്തയെ അഡീഷണല്‍ ഡയറക്ടര്‍ ജനറല്‍ ഓഫ് പൊലിസ് പദവിയിലേക്ക് സ്ഥാനക്കയറ്റം നല്‍കുന്നതിനുള്ള പാനലില്‍ ഉള്‍പെടുത്താനും മന്ത്രിസഭ തീരുമാനിച്ചു. 2005 ഐ.പി.എസ് ബാച്ചിലെ ഉദ്യോഗസ്ഥരായ നീരജ് കുമാര്‍ ഗുപ്ത, എ. അക്ബര്‍, കോറി സഞ്ജയ് കുമാര്‍ ഗുരുഡിന്‍, കാളിരാജ് മഹേഷ്‌കുമാര്‍, എസ്. സുരേന്ദ്രന്‍, എ.വി ജോര്‍ജ് എന്നിവര്‍ക്കു സെലക്ഷന്‍ ഗ്രേഡ് പദവിയിലേക്കു സ്ഥാനക്കയറ്റം നല്‍കുന്നതിനുള്ള പാനല്‍ മന്ത്രിസഭ അംഗീകരിച്ചു. 2004 ഐ.പി.എസ് ബാച്ചിലെ അനൂപ് കുരുവിള ജോണ്‍, വിക്രംജിത് സിങ്, എന്നിവര്‍ക്ക് ഡി.ഐ.ജി പദവിയിലേക്കു സ്ഥാനക്കയറ്റം നല്‍കുന്നതിനുള്ള പാനലും അംഗീകരിച്ചു.