ജിദ്ദ: ചരിത്രത്തില്‍ ആദ്യമായി സഊദിയില്‍ വനിതാ അംബാസഡറെ നിയമിച്ച് ബെല്‍ജിയം സര്‍ക്കാര്‍. ഡൊമിനിക് മിമ്പറെയാണ് റിയാദിലെ അംബാസഡറായി ബെല്‍ജിയം നിയമിച്ചത്.

ഇവര്‍ നിലവില്‍ യു.എ.ഇയിലെ ബെല്‍ജിയം അംബാസഡറാണ്. അടുത്ത വര്‍ഷം ആദ്യത്തോടെ ഇവര്‍ ചാര്‍ജ് എടുക്കുമെന്ന് റിയാദിലെ ബെല്‍ജിയം എംബസി അധികൃതര്‍ അറിയിച്ചു.

കുവൈത്തില്‍ ജോര്‍ജിയയുടെ വനിതാ അംബാസഡറായി 2010ല്‍ നിയമിതയായ യെകതരീന മജെറിങ് മികാസക്ക് നേരത്തെ സഊദി അടക്കം ഏതാനും ഗള്‍ഫ് രാജ്യങ്ങളുടെ ചുമതല കൂടി നല്‍കിയിരുന്നു.

2015ല്‍ ജോര്‍ജിയ സഊദി സ്വതന്ത്ര എംബസി സ്ഥാപിച്ചപ്പോള്‍ അംബാസഡറായി പുരുഷനെയാണ് നിയമിച്ചത്.