ലോകത്തിലെ ഏറ്റവും ചെറിയ ഫോണെന്ന വിശേഷണവുമായി സാന്‍കോ ടിനിടി1 വിപണിയിലേക്ക്. പഴയകാല ഫീച്ചര്‍ ഫോണുകള്‍ക്ക് സമാനമാണ് ടിനിടി1.

കോള്‍, ടെക്സ്റ്റിംഗ് എന്നിവയ്ക്ക് മാത്രമാണ് ഫോണ്‍ പ്രധാനമായും ഉപയോഗിക്കാനാകുക. സാന്‍കോ ടിനിടി1 കൈവിരലിനേക്കാള്‍ ചെറുതാണ്. ആല്‍ഫാന്യുമെറിക് കീബോര്‍ഡുള്ള ടിനി ടി1 ഫോണ്‍ ടോക് ആന്റ് ടെക്സ്റ്റ് ആയാണ് കമ്പനി ബ്രാന്‍ഡ് ചെയ്യുന്നത്. ഫോണിന് 13 ഗ്രാം ഭാരവുമുണ്ട്.

സിംഗിള്‍ നാനോ സിം മാത്രമാണ് ഉപയോഗിക്കാനാകുക. ഫോണ്‍ബുക്കില്‍ 300 കോണ്‍ടാക്ടുകള്‍ വരെ സൂക്ഷിക്കാനാകും. 32 എം.ബി സ്റ്റോറേജുള്ള ഫോണില്‍ 50 എസ്.എം.എസ് സൂക്ഷിക്കാം.

കോള്‍ ലോഗില്‍ 50 ഇന്‍കമിങ് ഔട്ട്‌ഗോയിങ് നമ്പറുകളും ദൃശ്യമാകും. 32 എം.ബി റാമും, 200 mAh ബാറ്ററിയും, 0.49 ഇഞ്ച് OLED (32ഃ64 പിക്‌സല്‍) ഡിസ്‌പ്ലെ എന്നിവയാണ് മറ്റ് ഫീച്ചറുകള്‍. മൈക്രോ യു.എസ്.ബി, ബ്ലൂടൂത്ത് എന്നിങ്ങനെ കണക്ടിവിറ്റി ഓപ്ഷനുകളുമുണ്ട്. 2ജി ബാന്‍ഡില്‍ മാത്രമേ പ്രവര്‍ത്തിക്കൂ.

ഫോണില്‍ ഇന്റര്‍നെറ്റ് ലഭ്യമാകില്ല. ഈ ചെറിയ ഫോണില്‍ മൈക്കും, ലൗഡ്‌സ്പീക്കറും ഉണ്ട്. ടിനി
ടി1 ഫീച്ചര്‍ ഫോണിന്റെ വില ഏകദേശം 2280 രൂപയാണ്. 2018 മാര്‍ച്ചോടെ ഈ കുഞ്ഞന്‍ ഫീച്ചര്‍ ഫോണ്‍ വിപണിയിലെത്തുമെന്നാണ് വിലയിരുത്തല്‍.