പട്‌ന: ബിഹാറില്‍ സ്വകാര്യ ഉടമസ്ഥതയില്‍ പ്രവര്‍ത്തിക്കുന്ന പഞ്ചസാര ഫാക്ടറിയിലെ ബോയിലറിലുണ്ടായ സ്‌ഫോടനത്തില്‍ ആറ് തൊഴിലാളികള്‍ മരിച്ചു.
ബുധനാഴ്ച രാത്രിയിലാണ് ബിഹാറിലെ ഗോപാല്‍ ഗഞ്ച് ജില്ലിയിലെ ഫാക്ടറിയില്‍ സ്‌ഫോടനമുണ്ടായത്.
സംഭവത്തില്‍ 12ലധികം തൊഴിലാളികള്‍ക്ക് സാരമായി പൊള്ളലേറ്റതായി പൊലിസ് അറിയിച്ചു. പട്‌നയില്‍ നിന്ന് 143 കി.മീറ്റര്‍ വടക്ക് പടിഞ്ഞാറ് മാറിയാണ് ഫാക്ടറി സ്ഥിതിചെയ്യുന്നത്.
ഗുരുതരമായി പൊള്ളലേറ്റ നാല് തൊഴിലാളികളെ ഹെലികോപ്റ്റര്‍ മാര്‍ഗമാണ് പട്‌ന മെഡിക്കല്‍ കോളജ് ആശുപത്രിയില്‍ എത്തിച്ചത്. പരുക്കേറ്റ മറ്റുള്ളവരെ ഉത്തര്‍പ്രദേശിലെ ഗൊരഖ്പൂര്‍ ആശുപത്രിയിലേക്ക് മാറ്റിയിയിരിക്കുകയാണ്.