വടക്കാഞ്ചേരി: ഡി.വൈ.എഫ്.ഐ ഫ്രീഡം ക്യാംപയിന്റെ ഭാഗമായി ഡി.വൈ.എഫ്.ഐ പ്രവര്‍ത്തകരുടെ നേതൃത്വത്തില്‍ പരുത്തിപ്ര ചണ്ടിക്കുളം നവീകരിച്ചു.
കടുത്ത വേനലില്‍ പോലും ജലസമൃദ്ധമായി കിടക്കുന്ന കുളം പരിചരണ കുറവ് മൂലം അനുദിനം നശിക്കുന്ന അവസ്ഥയിലായിരുന്നു. കാട്ടുപൊന്തകള്‍ വളര്‍ന്ന് കുളം വനസമാനമായ അവസ്ഥാ വിശേഷത്തിലുമായിരുന്നു. നവീകരണ പ്രവര്‍ത്തനത്തിന്റെ ഉദ്ഘാടനം നഗരസഭ സ്ഥിരം സമിതി അധ്യക്ഷ ലൈല നസീര്‍ നിര്‍വഹിച്ചു.