തൃപ്രയാര്‍: നാട്ടിക മര്‍ച്ചന്റ്‌സ് അസോസിയേഷന്‍ സമ്മേളനവും ബെനവലന്റ് കുടുംബ സഹായ വിതരണവും നടത്തി. കേരള വ്യാപാരി വ്യവസായി ഏകോപന സമിതി ജില്ലാ പ്രസിഡന്റ് കെ.വി അബ്ദുള്‍ ഹമീദ് ഉദ്ഘാടനം ചെയ്തു. അസോസിയേഷന്‍ പ്രസിഡന്റ് പി.എസ് ജയരാജന്‍ തമ്പി അധ്യക്ഷനായിരുന്നു.
ഏകോപന സമിതി ജില്ലാ ജനറല്‍ സെക്രട്ടറി എന്‍.ആര്‍ വിനോദ്കുമാര്‍ മുഖ്യ പ്രഭാഷണം നടത്തി. എ.എസ് ഹരിദാസ്, എ.കെ കുമാരന്‍, കെ.വി സിദ്ധാര്‍ത്ഥന്‍ എന്നിവര്‍ സംസാരിച്ചു. കഴിഞ്ഞ അധ്യയനവര്‍ഷം എല്‍.പി, യു.പി, എസ്.എസ്.എല്‍.സി, പ്ലസ് ടു വിഭാഗങ്ങളില്‍ മികച്ച വിജയം നേടിയ വിദ്യാര്‍ഥികള്‍ക്ക് ചടങ്ങില്‍ പുരസ്‌കാരങ്ങള്‍ വിതരണം ചെയ്തു.