മാള: പരനാട്ട്കുന്നില്‍ കലുങ്കിന് കൈവരിയില്ലാത്തത് കാരണം അപകടങ്ങള്‍ പതിവാകുന്നു. ദിനംപ്രതി നിരവധി  വാഹനങ്ങളാണ് ഇത് വഴി കടന്ന് പോകുന്നത്.
 കലുങ്കിന് ഇരു വശങ്ങളില്‍ കൈ വരികള്‍ നിര്‍മിച്ച് വഴി സുരക്ഷിതമാക്കാന്‍ അധികൃതര്‍ അടിയന്തിര നടപടി  സ്വീകരിക്കണമെന്ന് നാട്ടുകാര്‍ ആവശ്യപ്പെട്ടു. അപകടങ്ങള്‍ ഒഴിവാക്കുന്നതിനായി കലുങ്കിന്റെ നിര്‍മാണം ഉടന്‍ നടത്തണമെന്ന് വാര്‍ഡ് മെമ്പര്‍ ടി.കെ ജിനേഷ് ആവശ്യപ്പെട്ടു. അല്ലാത്തപക്ഷം ഗ്രാമപഞ്ചായത്ത് ഓഫിസിനു മുന്നില്‍ സമരം ആരംഭിക്കുമെന്നും മെമ്പര്‍ അറിയിച്ചു.