റാഞ്ചി: കാലിത്തീറ്റ അഴിമതിക്കേസില്‍ രാഷ്ട്രീയ ജനതാ ദള്‍ അധ്യക്ഷന്‍ ലാലുപ്രസാദ്‌ യാദവ്‌ കുറ്റക്കാരനെന്ന്‌ കോടതി വിധിച്ചത്‌, ബി.ജെ.പിയുടെയും ബിഹാര്‍ മുഖ്യമന്ത്രി നിതീഷ്‌ കുമാറിന്റെയും ഗൂഡാലോചനാ ഫലമെന്ന്‌ ലാലുവിന്റെ മകനും പാര്‍ട്ടി നേതാവുമായ തേജസ്വി യാദവ്‌. പാര്‍ട്ടിയെ അപമാനിക്കാന്‍ വേണ്ടിയാണ്‌ ഇതു ചെയ്‌തതെന്നും അദ്ദേഹം ാരോപിച്ചു.

വിധിക്കെതിരെ ഞങ്ങള്‍ ഹൈക്കോടതിയെ സമീപിക്കും. ഹൈക്കോടതി തുറന്നാല്‍ ഉടന്‍ ജാമ്യ നടപടികളിലേക്ക്‌ നീങ്ങും. ലാലുവിനെ അഴിക്കുള്ളിലാക്കാന്‍ ബി.ജെ.പിയും നിതീഷും കൂടി ചേര്‍ന്നുണ്ടാക്കിയ ഗൂഡാലോചനയാണ്‌ ഇന്നത്തെ വിധിക്ക്‌ കാരണം. ഇത്‌ അവസാന വിധിയല്ല, ഞങ്ങള്‍ മുമ്പില്‍ ഹൈക്കോടതിയും സുപ്രിം കോടതിയുമുണ്ടെന്നും തേജസ്വി പറഞ്ഞു.