കൊച്ചി: തീരമേഖലയിലെ കഴിഞ്ഞവര്‍ഷത്തെ ക്രിസ്മസും ഏതാണ്ട് നിറംമങ്ങിയതായിരുന്നു. കേന്ദ്രസര്‍ക്കാര്‍ നോട്ട് നിരോധനം പ്രഖ്യാപിച്ചതിനു ശേഷം ഉടനെത്തിയ ആഘോഷമായിരുന്നു ക്രിസ്മസ്.
കഴിഞ്ഞവര്‍ഷം നവംബര്‍ എട്ടിന് 500 ന്റെയും 1000 ത്തിന്റെയുമൊക്കെ നോട്ടുകള്‍ പിന്‍വലിച്ചപ്പോള്‍ അത് ഏറെ പ്രതിസന്ധി തീര്‍ത്തത് ദിവസവും ഇത്തരം നോട്ടിടപാട് നടത്തുന്ന മത്സ്യത്തൊഴിലാളികളെയായിരുന്നു. തുടര്‍ന്ന് കൈയിലുണ്ടായിരുന്ന നോട്ട് മുഴുവനും മാറ്റിയെടുക്കാന്‍ ഇവര്‍ നെട്ടോട്ടമോടി. പലര്‍ക്കും ബാങ്ക് അക്കൗണ്ട് ഇല്ല എന്നതായിരുന്നു ഇവര്‍ നേരിട്ട ഏറ്റവും വലിയ വെല്ലുവിളി.
നോട്ടുനിരോധനം പ്രാബല്യത്തില്‍വന്ന് ഒന്നരമാസത്തിനുശേഷമെത്തിയ ക്രിസ്മസും ഇവര്‍ക്ക് വറുതിയുടെതായിരുന്നു.
എന്നാല്‍ ഇത്തവണ വില്ലനായത് ഓഖി ചുഴലിക്കാറ്റാണ്.