കോഴിക്കോട്: പ്രത്യാശയുടെയും സമാധാനത്തിന്റെയും സന്ദേശത്തോടെ ആഗോള ക്രൈസ്തവര്‍ ഇന്ന് തിരുപ്പിറവി ആഘോഷിക്കുന്നു.
സമൂഹത്തിലെ പൊങ്ങച്ചക്കാരും അഴിമതിക്കാരുമായ അധികാര കേന്ദ്രങ്ങളെ ഒറ്റപ്പെടുത്തണമെന്ന് ക്രിസ്മസിനു മുന്നോടിയായി കര്‍ദിനാള്‍മാര്‍ക്കും ബിഷപ്പുമാര്‍ക്കും നല്‍കിയ സന്ദേശത്തില്‍ ഫ്രാന്‍സിസ് മാര്‍പാപ്പ പറഞ്ഞു. റോമിലെ സെന്റ് പീറ്റേഴ്‌സ് ബസിലിക്കയില്‍ പാതിരാകുര്‍ബാനയ്ക്ക് മാര്‍പാപ്പ നേതൃത്വം നല്‍കി. വത്തിക്കാനില്‍ ഇന്ന്‌നടക്കുന്ന ആരാധനാ ശുശ്രൂഷകള്‍ക്കും ഫ്രാന്‍സിസ് മാര്‍പാപ്പ മുഖ്യ കാര്‍മികത്വം വഹിക്കും.
ക്രിസ്മസിനു മുന്നോടിയായുള്ള 25 നോമ്പിനും ഇന്നലെ പരിസമാപ്തിയായി. ബത്‌ലഹേമിലെ കാലിത്തൊഴുത്തില്‍ കരുണയുടേയും ശാന്തിയുടെയും ദൂതുമായി യേശുക്രിസ്തു ജനിച്ചുവെന്നാണ് ക്രൈസ്തവരുടെ വിശ്വാസം.