പട്‌ന: ബിഹാറിലെ നളന്ദ ഓപ്പണ്‍ സര്‍വകലാശാലയില്‍ നിന്ന് ധനതത്വശാസ്ത്രത്തില്‍ രാജ്കുമാര്‍ വൈശ് ബിരുദാനന്തര ബിരുദം നേടിയത് 98ാം വയസില്‍. മേഘാലയ ഗവര്‍ണര്‍ ഗംഗാപ്രസാദാണ് ബിരുദദാന ചടങ്ങില്‍ അദ്ദേഹത്തിന് സര്‍ട്ടിഫിക്കറ്റ് കൈമാറിയത്.
2015ലാണ് അദ്ദേഹം ബിരുദാനന്തര ബിരുദത്തിന് ചേര്‍ന്നത്. ഇന്നത്തെ ദിനം എന്നെ സംബന്ധിച്ചിടത്തോളം മഹത്തരമാണെന്നാണ് സര്‍ട്ടിഫിക്കറ്റ് വാങ്ങിയ ശേഷം രാജ്കുമാര്‍ പ്രതികരിച്ചത്. കഠിനാദ്ധ്വാനം ചെയ്താണ് പരീക്ഷ പാസായതെന്നും അദ്ദേഹം കൂട്ടിച്ചേര്‍ത്തു.