ന്യൂഡല്‍ഹി: അന്താരാഷ്ട്ര ബാഡ്മിന്റണ്‍ അസോസിയേഷന്റെ പുതിയ നിയമപരിഷ്‌കാരത്തെ വിമര്‍ശിച്ച് പ്രമുഖ താരങ്ങള്‍. കോര്‍ട്ടിനും കളിക്കാര്‍ക്കുമിടയിലെ ദൂരം, ഒരു വര്‍ഷം പ്രമുഖ താരങ്ങള്‍ 12 ടൂര്‍ണമെന്റുകള്‍ കളിച്ചിരിക്കണം എന്നീ നിയമങ്ങളെയാണ് പ്രമുഖ താരങ്ങള്‍ വിമര്‍ശിച്ചിരിക്കുന്നത്.
കരോലിന്‍ മരിന്‍, സൈന നേഹ്‌വാള്‍, പി.വി സിന്ധു എന്നിവരാണ് രൂക്ഷ വിമര്‍ശനമുന്നയിച്ചത്. പുതിയ നിയമം ഉണ്ടാക്കുമ്പോള്‍ അതിനെ കുറിച്ച് ഒരുപാട് പഠിക്കേണ്ടതുണ്ട്. എന്നാല്‍ മാര്‍ച്ചില്‍ നടക്കുന്ന ഓള്‍ ഇംഗ്ലണ്ട് ചാംപ്യന്‍ഷിപ്പിലാണ് അസോസിയേഷന്‍ ഇത് നടപ്പിലാക്കുന്നത്. അവര്‍ക്കത് വര്‍ഷാദ്യം നടപ്പിലാക്കാമായിരുന്നു. ഇപ്പോഴത്തെ നിയമം കളിക്കാരില്‍ സമ്മര്‍ദം ഉണ്ടാക്കുമെന്നും സിന്ധു പറഞ്ഞു.
അതേസമയം സൈനയും സിന്ധുവും പുതിയ നിയമം തലതിരിഞ്ഞതാണെന്ന് വിമര്‍ശിച്ചു.