കാബുള്‍: അഫ്ഗാനിസ്ഥാനിലെ കാബൂളിലുണ്ടായ ഇരട്ട സ്‌ഫോടനത്തില്‍ 40 പേര്‍ മരിച്ചു. നിരവധിയാളുകള്‍ക്ക് പരുക്കേറ്റു. പരുക്കേറ്റവരെ ആശുപത്രികളില്‍ പ്രവേശിപ്പിച്ചിരിക്കുകയാണ.്

കാബൂളിലെ ശിയ സാംസ്‌കാരിക കേന്ദ്രമായ തബയാനിലാണ് സ്‌ഫോടനമുണ്ടായത്. സ്‌ഫോടനത്തിന്റെ ഉത്തരവാദിത്തം ആരും ഏറ്റെടുത്തിട്ടില്ല.

അഫ്ഗാനിലെ സോവിയറ്റ് കടന്നുകയറ്റത്തിന്റെ 38ാം വാര്‍ഷിക പരിപാടികള്‍ തബയാന്‍ കള്‍ച്ചറല്‍ സെന്ററില്‍ നടന്നുകൊണ്ടിരിക്കെയാണ് ആക്രമണമുണ്ടായതെന്ന് ആഭ്യന്തര മന്ത്രാലയ വക്താവ് നസ്രത്ത് റഹീമി വാര്‍ത്താ ഏജന്‍സിയെ അറിയിച്ചു. മാധ്യമപ്രവര്‍ത്തകരും വിദ്യാര്‍ഥികളും പങ്കെടുത്ത പരിപാടിയായിരുന്നു ഇത്.

ഏതിനിടെ, സംഭവത്തില്‍ പങ്കില്ലെന്ന് വ്യക്തമാക്കി താലിബാന്‍ പ്രസ്താവന പുറത്തിറക്കിയിട്ടുണ്ട്.