മലപ്പുറം: സമസ്ത സെക്രട്ടറിയായിരുന്ന കോട്ടുമല ടി.എം.ബാപ്പു മുസ്‌ലിയാരുടെ ഒന്നാം ഉറൂസിനോടനുബന്ധിച്ച് കാളമ്പാടി ജുമാമസ്ജിദില്‍ അനുസ്മരണ പ്രാര്‍ഥനാ സദസ് നടത്തി. കോട്ടുമല ഇസ്‌ലാമിക് കോംപ്ലക്‌സ് പൂര്‍വ വിദ്യാര്‍ഥി സംഘടന സിദ്ദീഖീസ് അസോസിയേഷനാണ് പരിപാടി സംഘടിപ്പിച്ചത്.
കൂട്ടസിയാറത്ത്, ഖുര്‍ആന്‍ പാരായണം, മൗലീദ് പാരായണം, പ്രാര്‍ഥനാ സദസ് എന്നിവ നടന്നു. ഏലംകുളം ബാപ്പു മുസ്‌ലിയാര്‍ പ്രാര്‍ഥനക്ക് നേതൃത്വം നല്‍കി.
സമസ്ത മുശാവറ അംഗം ടി.പി.ഇപ്പ മുസ്‌ലിയാര്‍ അധ്യക്ഷനായി. പാണക്കാട് സയ്യിദ് ശമീറലി ശിഹാബ് തങ്ങള്‍, സുലൈമാന്‍ ഫൈസി ചുങ്കത്തറ,അബ്ദുറഹ്മാന്‍ ഫൈസി കടുങ്ങല്ലൂര്‍, അബ്ദുറഹീം ബാഖവി കൂട്ടിലങ്ങാടി, ഹംസ ഫൈസി ഹൈത്തമി, പാതിരമണ്ണ അബ്ദുറഹ്മാന്‍ ഫൈസി,അഹ്മദ് ബാഖവി അറവങ്കര, ഹംസ റഹ്മാനി കൊണ്ടിപറമ്പ് പങ്കെടുത്തു.