പടിഞ്ഞാറങ്ങാടി: രാജ്യത്ത് അസമാധാനം വിതക്കും വിധത്തില്‍ തീവ്രവാദ പ്രവര്‍ത്തനം നടത്തുന്ന ഐ.എസ് പോലുള്ള തീവ്രവാദ പ്രസ്ഥാനങ്ങള്‍ക്ക് മതത്തിന്റെ പിന്‍ബലമില്ലെന്ന് വഖഫ് ബോര്‍ഡ് ചെയര്‍മാന്‍ പാണക്കാട് സയ്യിദ് റഷീദലി ശിഹാബ് തങ്ങള്‍ പറഞ്ഞു.
മതങ്ങള്‍ നാട്ടില്‍ സമാധാനവും, സൗഹൃദവുമാണ് പഠിപ്പിക്കുന്നത്. അതിന് കേരളത്തില്‍ സമസ്ത കേരള ജംഇയ്യത്തുല്‍ ഉലമ മാതൃകയാണെന്നും തങ്ങള്‍ പറഞ്ഞു. സമസ്ത കേരള സുന്നി സ്റ്റുഡന്റ് ഫെഡറേഷന്റെ നേതൃത്വത്തില്‍ പടിഞ്ഞാറങ്ങാടിയില്‍ നടന്ന ഫ്രീഡം സ്‌ക്വയര്‍ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. മുസ്തഫ ഫൈസി അധ്യക്ഷനായി.
വി.ടി ബല്‍റാം എം.എല്‍.എ മുഖ്യാതിഥിയായി. അബ്ദുള്‍ ഖാദര്‍ ഫൈസി മുഖ്യ പ്രഭാഷണം നിര്‍വഹിച്ചു.ഫാറൂഖ്.ഒ (കോണ്‍ഗ്രസ്), മൊയ്തീന്‍ കുട്ടി (പി.ഡി.പി), സുബൈര്‍ കോഴിക്കര (മുസ് ലിം ലീഗ്) എന്നിവര്‍ പ്രസംഗിച്ചു. ശിഹാബുദ്ധീന്‍ ജിഫ്രി തങ്ങള്‍ വല്ലപ്പുഴ ആമുഖ പ്രഭാഷണം നടത്തി. സമദ് മാസ്റ്റര്‍ സ്വാഗതം പറഞ്ഞു. വാഹിദ് എസ്.എം, അബൂബക്കര്‍ ഫൈസി ആലൂര്‍, മജീദ് ഫൈസി തൃത്താല, ഷാജഹാന്‍ പി.വി ആലൂര്‍, നവാഫ് എം.എന്‍ , സൈഫുദ്ദീന്‍ ലത്വീഫി ചിറ്റപ്പുറം (എസ്.കെ.എസ്.എസ്.എഫ് തൃത്താല മേഖലാ ട്രഷറര്‍) സലാം ഹുദവി, അബൂബക്കര്‍ (എസ്.കെ.എസ്.എസ്.എഫ് തൃത്താല മേഖലാ വൈ: പ്രസിഡന്റ്) എന്നിവര്‍ ആശംസകള്‍ അര്‍പ്പിച്ചു. ഹബീബ് കൊഴിക്കര നന്ദി പറഞ്ഞു.