മണ്ണാര്‍ക്കാട്: സ്വാതന്ത്ര്യദിനത്തോടനുബന്ധിച്ച് എസ്.കെ.എസ്.എസ്.എഫ് സംസ്ഥാന കമ്മിറ്റിയുടെ ആഹ്വാനത്തില്‍ തച്ചനാട്ടുകര മേഖലാ കമ്മിറ്റി നാട്ടുകല്‍ സെന്ററില്‍ ഫ്രീഡം സ്‌ക്വയര്‍ നടത്തി. സയ്യിദ് ഇമ്പിച്ചിക്കോയ തങ്ങള്‍ കൊടക്കാട് ഉദ്ഘാടനം ചെയ്തു. സയ്യിദ് ഹുസൈന്‍ തങ്ങള്‍ പ്രതിജ്ഞ ചൊല്ലിക്കൊടുത്തു. ശാഫി ഫൈസി കോല്‍പ്പാടം, പ്രമേയ പ്രഭാഷണം നടത്തി. റശീദ് ഫൈസി നാട്ടുകല്‍, ആബിദ് ഫൈസി, ശമീര്‍ മാസ്റ്റര്‍, ബഷീര്‍ അന്‍വരി തുടങ്ങി മത-രാഷ്ട്രീയ രംഗത്തെ പ്രമുഖര്‍ പങ്കെടുത്തു.
ചാലിശ്ശേരി: സ്വാതന്ത്ര്യ ദിനത്തില്‍ ചാലിശ്ശേരിയില്‍ എസ്.കെ.എസ്.എസ്.എഫ് സംഘടിപ്പിച്ച ഫ്രീഡം സ്‌ക്വയര്‍ ചാലിശ്ശേരി മെയിന്‍ റോഡ് സെന്ററില്‍ നടത്തി. എസ്.കെ.എസ്.എസ്.എഫ്. ജില്ലാ വൈസ് പ്രസിഡന്റ് ഉമറുല്‍ ഫാറൂഖ് തങ്ങള്‍ ഉദ്ഘാടനം ചെയ്തു. ചാലിശ്ശേരി ഗ്രാമപഞ്ചായത്ത് പ്രസിഡന്റ് ടി.കെസുനില്‍ കുമാര്‍ മുഖ്യാഥിതിയായിരുന്നു. അബ്ബാസ് മാഹിരി കൈപ്പുറം മുഖ്യ പ്രഭാഷണം നടത്തി. ഫൈസല്‍ വാഫി കൂറ്റനാട്, മൂസ ഫൈസി, കരീം ഫൈസി, ഹനീഫ ബാഖവി, പി.വി ഉമ്മര്‍ മൗലവി, ടി.കെ ഉണ്ണികൃഷ്ണന്‍, മുസ്തഫ ചാലിശ്ശേരി, പി.സി കുഞ്ഞിപ്പ, ഹൈദര്‍ പട്ടിശ്ശേരി, ഫൈസല്‍ മാസ്റ്റര്‍, മിദ്‌ലാജ് വാഫി തുടങ്ങിയ മത, രാഷ്ട്രീയ,സംസ്‌കാരിക, മേഖലകളിലെ പ്രമുഖര്‍ പങ്കെടുത്തു.
മണ്ണാര്‍ക്കാട്: എസ്.കെ.എസ്.എസ്.എഫ് സംസ്ഥാന വ്യാപകമായി നടത്തിയ ഫ്രീഡം സ്‌ക്വയര്‍ മണ്ണാര്‍ക്കാടും നടന്നു. സുലൈമാന്‍ ഫൈസി പ്രാര്‍ഥന നടത്തി. കെ നിസാമുദ്ധീന്‍ ഫൈസി സ്വാഗതം പറഞ്ഞു. ടി.കെ സുബൈര്‍ മൗലവി നേതൃത്വത്തില്‍ നടന്ന ചടങ്ങില്‍ കബീര്‍ അന്‍വരി മുഖ്യപ്രഭാഷണം നടത്തി. എ ഹാരിസ് മാസ്റ്റര്‍ പ്രതിജ്ഞ ചൊല്ലിക്കൊടുത്തു. റഹീം ഫൈസി, അന്‍വര്‍ ഫൈസി പ്രസംഗിച്ചു. ഹക്കീം അന്‍വരി നന്ദി പറഞ്ഞു.