കോഴിക്കോട്: സാക്ഷരതാമിഷന്റെ സംസ്ഥാന തുടര്‍വിദ്യാഭ്യാസ കലോത്സവത്തില്‍ മലപ്പുറം ചാംപ്യന്‍മാരായി. 130 പോയിന്റുമായാണു മലപ്പുറം സ്വര്‍ണക്കപ്പ് സ്വന്തമാക്കിയത്. 116 പോയിന്റുമായി കാസര്‍കോടിനാണു രണ്ടാംസ്ഥാനം. 111 പോയിന്റ് നേടി കണ്ണൂര്‍ മൂന്നാം സ്ഥാനത്തെത്തി. വിവിധ വിഭാഗങ്ങളിലായി ടി.വി സജീവന്‍, ജോബിഷ്, പി.കെ കൃഷ്ണന്‍, ലച്ചു എന്നിവര്‍ വ്യക്തിഗത ചാംപ്യന്‍മാരായി.
വിജയികള്‍ക്കു പൊതുവിദ്യാഭ്യാസ ഡയറക്ടര്‍ കെ.വി മോഹന്‍കുമാര്‍ ട്രോഫികള്‍ സമ്മാനിച്ചു. ജില്ലാപഞ്ചായത്ത് പ്രസിഡന്റ് ബാബു പറശ്ശേരി അധ്യക്ഷനായി. സാക്ഷരതാമിഷന്‍ ഡയറക്ടര്‍ ഡോ. പി.എസ് ശ്രീകല, ജില്ലാപഞ്ചായത്ത് വൈസ് പ്രസിഡന്റ് റീന മുണ്ടേങ്ങാട്, മുക്കം മുഹമ്മദ്, കെ.വി ബാബുരാജ്, കെ. അയ്യപ്പന്‍ നായര്‍, ഷാജു ജോണ്‍ സംസാരിച്ചു.