കൊച്ചി: കേരള ബ്ലാസ്റ്റേഴ്‌സിനെതിരേ നടക്കുന്ന ഐ.എസ്.എല്‍ മത്സരത്തിനായി ബംഗളൂരു എഫ്.സി ടീം കൊച്ചിയില്‍ എത്തി. ഉച്ചയോടെ നെടുമ്പാശേരി വിമാനത്താവളത്തിലെത്തിയ ടീം ഇന്നലെ പരിശീലനത്തിന് ഇറങ്ങിയില്ല. ഇന്ന് രാവിലെ ഒന്‍പതിന് പനമ്പിള്ളി നഗര്‍ സ്‌കൂള്‍ ഗ്രൗണ്ടില്‍ ടീം സന്നാഹമൊരുക്കും. നാളെ വൈകിട്ട് 5.30 നാണ് മത്സരം.
ബ്ലാസ്റ്റേഴ്‌സ് - ബംഗളൂരു മത്സരത്തിനുള്ള ഗാലറി ടിക്കറ്റുകള്‍ മുഴുവനും വിറ്റുതീര്‍ന്നു. ഓണ്‍ലൈനില്‍ വില്‍പനക്ക് വച്ച 240 രൂപയുടെ ടിക്കറ്റുകളാണ് തീര്‍ന്നത്. 500 രൂപയുടെ ബി, ഡി ബ്ലോക്ക് (ഗോള്‍ പോസ്റ്റിന് പിറകിലെ ഇരിപ്പിടം) ടിക്കറ്റുകളും വിറ്റു തീര്‍ന്നിട്ടുണ്ട്. ബ്ലോക്ക് സി (700), ബ്ലോക്ക് എ.ഇ (850) ടിക്കറ്റുകളാണ് ഇനി വില്‍പനയ്ക്കുള്ളത്.