ലണ്ടന്‍: അഞ്ച് ഗോള്‍ പിറന്ന ത്രില്ലര്‍ പോരാട്ടത്തില്‍ ക്രിസ്റ്റല്‍ പാലസിനെ 3-2ന് വീഴ്ത്തി ആഴ്‌സണല്‍ വിജയമാഘോഷിച്ചു.
അലക്‌സിസ് സാഞ്ചസിന്റെ ഇരട്ട ഗോളുകളാണ് ഗണ്ണേഴ്‌സിന് വിജയമൊരുക്കിയത്. എവേ പോരാട്ടത്തിലാണ് ആഴ്‌സണലിന്റെ തകര്‍പ്പന്‍ ജയം. കളിയുടെ 25ാം മിനുട്ടില്‍ മുസ്താഫിയിലൂടെ ആഴ്‌സണല്‍ ലീഡെടുത്തു. പിന്നീട് നാല് ഗോളുകളും പിറന്നത് രണ്ടാം പകുതിയിലാണ്. 49ാം മിനുട്ടില്‍ ക്രിസ്റ്റല്‍ പാലസ് സമനില പിടിച്ചു. 62, 66 മിനുട്ടുകളില്‍ തുടരെ വല ചലിപ്പിച്ച് സാഞ്ചസ് ആഴ്‌സണലിന് ലീഡൊരുക്കി. അവസാന നിമിഷം ഒരു ഗോള്‍ കൂടി മടക്കാന്‍ ക്രിസ്റ്റലിനായെങ്കിലും അനിവാര്യമായ തോല്‍വി ഒഴിവാക്കാന്‍ അവര്‍ക്ക് സാധിച്ചില്ല.