ഷിംല: സംസ്ഥാന മന്ത്രിസഭയിലെ വകുപ്പുകള്‍ നിര്‍ണയിച്ചു. ആഭ്യന്തരവും ധനകാര്യവും മുഖ്യമന്ത്രി ജയറാം താക്കൂര്‍ കൈകാര്യം ചെയ്യും. ആകെ 11 മന്ത്രിമാണുള്ളത്. ഇതില്‍ ആറു പേര്‍ പുതു മുഖങ്ങളാണ്. ടൂറിസം, എക്‌സൈസ്, പബ്ലിക്ക് സര്‍വിസ്, റവന്യൂ, ടാക്‌സ് എന്നീ വകുപ്പുകളും മുഖ്യമന്ത്രിയാണ് കൈകാര്യം ചെയ്യുക. ആരോഗ്യം, ജലസേചനം എന്നിവ മുന്‍ മന്ത്രി മഹേന്ദര്‍ സിങിനാണ് ലഭിച്ചിരിക്കുന്നത്. മുഖ്യമന്ത്രിയായി ചുമതലയേറ്റെടുത്ത് മൂന്ന് ദിവസത്തിന് ശേഷമാണ് ഹിമാചലില്‍ മന്ത്രിസഭാ വകുപ്പ് നിര്‍ണയം നടത്തുന്നത്.