ന്യൂഡല്‍ഹി: നാര്‍ക്കോട്ടിക്ക് കണ്‍ട്രോള്‍ ബ്യൂറോ നടത്തിയ പരിശോധനയില്‍ നാല് വിദ്യാര്‍ഥികള്‍ മയക്കു മരുന്നുമായി പിടിയില്‍. ഡല്‍ഹി, ജെന.എന്‍.യു, അമിറ്റി സര്‍വകലാശാലകളിലെ വിദ്യാര്‍ഥികളാണ് അറസ്റ്റിലായത്. അനുരുദ്ധ് മാധൂര്‍, ടെന്‍സില്‍ ഫുന്‍ചോങ്, സാംമല്ലിക്, ഗൗരവ് എന്നിവരാണ് അറസ്റ്റിലായത്. പുതുവത്സരാഘോഷത്തോടനുബന്ധിച്ച് ലഹരി വസ്തുക്കള്‍ വിതരണം ചെയ്യുന്ന റാക്കറ്റിലെ കണ്ണികളാണിവരെന്നാണ് പൊലിസ് പറയുന്നത്. ഡല്‍ഹി സര്‍വകാലശാല ക്യാംപസില്‍ വിതരണം ചെയ്യാനിരിക്കുന്ന ലഹരി വസ്തുക്കളാണ് പിടിച്ചെടുത്തതെന്നാണ് വിവരം.