വാഷിങ്ടണ്‍: പാകിസ്താനുള്ള 255 മില്യന്‍ ഡോളറിന്റെ ധനസഹായം നിര്‍ത്തലാക്കാന്‍ യു.എസ് നീക്കം. ഭീകരസംഘങ്ങള്‍ക്കെതിരായ പാക് നടപടികളില്‍ അസംതൃപ്തരായാണ് ഫണ്ട് നിര്‍ത്തലാക്കുന്നതിനെ കുറിച്ച് ട്രംപ് ഭരണകൂടം ആലോചിക്കുന്നത്. ഇക്കാര്യത്തില്‍ ഭരണതലത്തിലുള്ള ചര്‍ച്ചകള്‍ നടന്നുകഴിഞ്ഞിട്ടുണ്ട്. 2002 മുതല്‍ 33 ബില്യന്‍ ഡോളറിന്റെ ധനസഹായമാണ് അമേരിക്ക പാകിസ്താന്‍ നല്‍കിയിട്ടുള്ളത്. സ്വന്തം മണ്ണിലെ ഭീകരപ്രവര്‍ത്തനങ്ങള്‍ക്കെതിരേ ശക്തമായ നടപടി കൈക്കൊണ്ടില്ലെങ്കില്‍ 255 മില്യന്‍ യു.എസ് ഡോളറിന്റെ സഹായം നിര്‍ത്തലാക്കുമെന്ന് കഴിഞ്ഞ ഓഗസ്റ്റില്‍ അമേരിക്ക ഭീഷണിപ്പെടുത്തിയിരുന്നു.