അങ്കാറ: ഐ.എസുമായി ബന്ധം സംശയിക്കുന്ന 29 പേരെ തുര്‍ക്കി പൊലിസ് അറസ്റ്റ് ചെയ്തു. കഴിഞ്ഞ ദിവസം തലസ്ഥാനമായ അങ്കാറയിലാണ് ഭീകരവേട്ട നടന്നത്. പുതുവര്‍ഷാഘോഷത്തിന്റെ ഭാഗമായി രാജ്യത്തിന്റെ വിവിധ ഭാഗങ്ങളില്‍ ആക്രമണം നടത്താന്‍ പദ്ധതിയിടുകയായിരുന്നു ഇവരെന്ന് അങ്കാറ പൊലിസ് പറഞ്ഞു. കഴിഞ്ഞ വര്‍ഷം പുതുവത്സരാഘോഷങ്ങള്‍ക്കിടെ ഇസ്താംബൂളിലെ നിശാക്ലബിലുണ്ടായ ഭീകരാക്രമണത്തില്‍ 39 പേര്‍ കൊല്ലപ്പെട്ടിരുന്നു.