തിരുവനന്തപുരം: ഇത്തവണത്തെ പുതുവത്സരാഘോഷവും ആദിവാസികള്‍ക്കൊപ്പം ചെലവിടാന്‍ പ്രതിപക്ഷനേതാവ് രമേശ് ചെന്നിത്തല. എറണാകുളം കോതമംഗലത്തെ കുട്ടമ്പുഴയിലെ കുഞ്ചിപ്പാറക്കുടിയിലാണ് ചെന്നിത്തല കുടുംബസമേതം പുതുവര്‍ഷം ആഘോഷിക്കുന്നത്.
നാളെ രാവിലെ ഒന്‍പതിന് പൂയംകുട്ടി ബ്ലാവന കടത്തുകടവില്‍ എത്തുന്ന ചെന്നിത്തലയെയും കുടംബത്തെയും ആദിവാസികള്‍ പരമ്പരാഗത രീതിയില്‍ സ്വീകരിക്കും. സമീപ ആദിവാസി മേഖലകളായ തലവച്ചുപാറ, വാരിയംകുടി, കല്ലേലിമേട് തുടങ്ങിയിടങ്ങളിലും അദ്ദേഹം സന്ദര്‍ശനം നടത്തും. ദിവസം മുഴുവന്‍ അദ്ദേഹം ആദിവാസികളോടൊപ്പം ചെലവിടും.