സിഡ്‌നി: ഓസ്‌ട്രേലിയയില്‍ ജലവിമാനം തകര്‍ന്നുവീണ് ആറു പേര്‍ മരിച്ചു. സിഡ്‌നിയ്ക്ക് 50 കിലോമീറ്റര്‍ വടക്ക് കോവന്‍ സബേര്‍ബില്‍ ഹാവ്‌കെസ്ബറി നദിയിലാണ് അപകടമുണ്ടായത്. സിഡ്‌നി സീപ്ലെയിന്‍സ് എന്ന കമ്പനിയുടേതാണ് വിമാനമെന്നാണ് റിപ്പോര്‍ട്ട്.

പുതുവത്സരം ആഘോഷിക്കാനെത്തിയ വിനോദസഞ്ചാരികളായിരുന്നു ജലവിമാനത്തിലുണ്ടായിരുന്നത്. അധികൃതര്‍ നടത്തിയ തെരച്ചിലില്‍ 43 അടി താഴ്ച്ചയില്‍ ആറു മൃതദേഹങ്ങള്‍ കണ്ടെത്തി. അപകട കാരണം വ്യക്തമല്ല.