കോഴിക്കോട്: മദ്‌റസത്തുല്‍ മുഹമ്മദിയ്യ സ്‌കൂള്‍ ശതാബ്ദിയോടനുബന്ധിച്ച് നടത്തുന്ന പൈതൃക-ചരിത്ര -ശാസത്ര എക്‌സിബിഷന് കോഴിക്കോട് ഫ്രാന്‍സിസ് റോഡ് പരപ്പില്‍ എം.എം സ്‌കൂള്‍ കോംപൗണ്ടില്‍ തുടക്കം. ജനുവരി മൂന്നു വരെ നീണ്ടു നില്‍ക്കുന്ന എക്‌സിബിഷന്‍ മന്ത്രി ടി.പി രാമകൃഷ്ണന്‍ ഉദ്ഘാടനം ചെയ്തു. ചടങ്ങില്‍ എം.കെ മുനീര്‍ എം.എല്‍.എ മുഖ്യാതിഥിയായി.

60ല്‍പ്പരം സ്റ്റാളുകളുള്ള പ്രദര്‍ശനത്തിന് പ്രവേശനം സൗജന്യമാണ്. ദിവസേന കലാ സാംസ്‌കാരിക പരിപാടികള്‍ അരങ്ങേറും. സര്‍ക്കാരിതര സ്ഥാപനങ്ങളും സ്‌കൂള്‍ അധ്യാപകരും വിദ്യാര്‍ഥികളും ഒരുക്കുന്ന സ്റ്റാളുകള്‍ക്ക് പുറമേ എം.എം പൂര്‍വ വിദ്യാര്‍ഥികള്‍ ഒരുക്കുന്ന സ്റ്റാളുകളും പ്രദര്‍ശനത്തിന്റെ പ്രത്യേകതയാണ്.

[caption id="attachment_469083" align="alignnone" width="620"] മദ്‌റസത്തുല്‍ മുഹമ്മദിയ്യ ശതാബ്ദി എക്‌സിബിഷന്‍ ഉദ്ഘാടന ചടങ്ങില്‍ മുഖ്യാതിഥിയായ എം.കെ മുനീര്‍ എം.എല്‍.എ സംസാരിക്കുന്നു[/caption]