ഐസ്എല്ലില്‍ ഇന്ന് രാത്രി 7.30ന് ഫട്ടോര്‍ഡ സ്റ്റേഡിയത്തില്‍ നടക്കുന്ന രണ്ടാം പ്ലേഓഫില്‍ ചെന്നൈയില്‍ എഫ്.സിയും എഫ്.സി ഗോവയും കൊമ്പുകോര്‍ക്കും. 45 പോയിന്റുമായി പട്ടികയില്‍ മൂന്നാം സ്ഥാനക്കാരായിട്ടായിരുന്നു ഗോവ ഗ്രൂപ്പ് ഘട്ടം പൂര്‍ത്തിയാക്കിയത്.

27 പോയിന്റ് നേടിയ ചെന്നൈയിന്‍ ആറാം സ്ഥാനത്തായിരുന്നു ഫിനിഷ് ചെയ്തത്. ഗോവയുടെ ഹോം ഗ്രൗണ്ടിലാണ് ഇന്നത്തെ മത്സരം.

ഇതുവരെ 25 തവണ എഫ്‌സി ഗോവയും ചെന്നൈയിന്‍ എഫ്‌സിയും പരസ്പരം ഏറ്റുമുട്ടിയിട്ടുണ്ട്. ഇതില്‍ 14 കളികളില്‍ ഗോവ ജയിച്ചപ്പോള്‍ ഒമ്പത് കളികളില്‍ ചെന്നൈയിന്‍ ജയം കണ്ടു. കഴിഞ്ഞ അഞ്ച് കളികളില്‍ എഫ്‌സി ഗോവ നാലിലും വിജയിച്ചിട്ടുണ്ട്.