കണ്ണൂര്‍: കോളജ് ഓഫ് കൊമേഴ്‌സ് പൂര്‍വ വിദ്യാര്‍ഥി സംഗമം മന്ത്രി കെ.കെ ശൈലജ ഉദ്ഘാടനം ചെയ്തു. പൂര്‍വ വിദ്യാര്‍ഥികളായ പി.വി മനീഷ്(മുന്‍ എന്‍.എസ്.ജി കമാന്‍ഡോ), ഷാനില്‍ മുഹമ്മദ്(സംവിധായകന്‍), രസ്‌ന, ഉണ്ണികൃഷ്ണന്‍(കലാസംവിധായകന്‍, ബഷീര്‍(സംരംഭകന്‍) എന്നിവര്‍ കലാപരിപാടികള്‍ക്ക് തിരിതെളിയിച്ചു.
കലക്ടര്‍ പി ബാലകിരണിനു ഉപഹാരം നല്‍കി.
നിര്‍ധന വിദ്യാര്‍ഥികള്‍ക്കുള്ള സ്‌കോളര്‍ഷിപ്പ് വിതരണം ജില്ലാ പഞ്ചായത്ത് പ്രസിഡന്റ് കെ.വി സുമേഷും പൂര്‍വ വിദ്യാര്‍ഥികള്‍ ആരംഭിക്കുന്ന സ്‌നേഹനിധിയുടെ  ഉദ്ഘാടനം പി.വി മനീഷും നിര്‍വഹിച്ചു. കണ്ണൂര്‍ യൂനിവേഴ്‌സിറ്റി ബിരുദ പരീക്ഷകളില്‍ റാങ്ക് നേടിയവര്‍ക്ക് പ്രിന്‍സിപ്പല്‍ ഡോ. വിജയമ്മ ഉപഹാരം നല്‍കി. കെ ഭാസ്‌കരന്‍, ഡോ. സക്കറിയ കല്ലൂര്‍, ആര്‍ പ്രഭാകരന്‍ എന്നിവരെ ആദരിച്ചു. കോളജ് ഓഫ് കൊമേഴ്‌സില്‍ സി അനില്‍കുമാര്‍ അധ്യക്ഷനായി. ബഷീര്‍, ദിജില്‍ സംസാരിച്ചു.