കണ്ണൂര്‍: ഹിന്ദുത്വം എന്നത് ഏതെങ്കിലും മതവുമായോ വിശ്വാസമായോ ബന്ധപ്പെട്ടതല്ലെന്നും ബി.ജെ.പിയുടെ രാഷ്ട്രീയ അജണ്ട രാജ്യത്തിന്റെ ഐക്യത്തിനു ഭീഷണിയാണെന്നും സി.പി.എം പി.ബി അംഗം ബൃന്ദാ കാരാട്ട്. വര്‍ഗീയതക്കെതിരേ ഡി.വൈ.എഫ്.ഐ കണ്ണൂരില്‍ സംഘടിപ്പിച്ച യുവസാഗരം ഉദ്ഘാടനം ചെയ്യുകയായിരുന്നു അവര്‍.
മുസ്‌ലിം തീവ്രവാദം ആര്‍.എസ്.എസിന്റെ ഹിന്ദുത്വ അജണ്ടയ്ക്കു ശക്തി പകരാനേ ഉപകരിക്കൂ. രണ്ടും ഒരുപോലെ എതിര്‍ക്കപ്പെടേണ്ടതാണ്. ദേശീയതയുടെയും മതനിരപേക്ഷതയുടെയും ചരിത്രം പഠിക്കാനാണ് പ്രധാനമന്ത്രി മോദി ആഗ്രഹിക്കുന്നതെങ്കില്‍ ആദ്യം കമ്യൂണിസത്തിന്റെ ചരിത്രമാണ് പഠിക്കേണ്ടതെന്നും അവര്‍ പറഞ്ഞു. പി.കെ ശ്രീമതി എംപി, കെ.കെ രാഗേഷ് എം.പി, ടി.വി രാജേഷ് എം.എല്‍.എ, പി ജയരാജന്‍, എം.വി ജയരാജന്‍, ബിജു കണ്ടക്കൈ, കെ.വി സുമേഷ് പ്രസംഗിച്ചു.