കണ്ണൂര്‍: കല്യാശ്ശേരി വൊക്കേഷണല്‍ ഹയര്‍സെക്കന്‍ഡറി സ്‌കൂള്‍ എന്‍.എസ്.എസ് യൂനിറ്റിന്റെ നേതൃത്വത്തില്‍ സ്വാതന്ത്ര്യദിനത്തില്‍ സഹജീവിക്കൊരു പൊതിച്ചോറ് പരിപാടിയുടെ ഭാഗമായി കണ്ണൂര്‍ റെയില്‍വേ സ്റ്റേഷന്‍ പരിസരത്തെ തെരുവില്‍ കഴിയുന്നവര്‍ക്കു ഭക്ഷണമെത്തിച്ചു നല്‍കി. പരിപാടി എന്‍.എസ്.എസ് പ്രോഗ്രാം ഓഫിസര്‍ ടി.പി റഹീം ഉദ്ഘാടനം ചെയ്തു. ടി പ്രകാശന്‍, പി ശ്യാംജിത്ത് നേതൃത്വം നല്‍കി. സമൂഹത്തിലെ ഒരുനേരത്തെ ഭക്ഷണത്തിനായി അലയുന്ന സഹജീവികള്‍ക്ക് ഉച്ചഭക്ഷണം എത്തിച്ചുനല്‍കാനും ഇതിനു സ്ഥിരം സംവിധാനം ഒരുക്കുകയുമാണു ലക്ഷ്യം. വിശേഷ ദിനങ്ങളില്‍ മാത്രം നടത്തുന്ന ഭക്ഷണ വിതരണം എല്ലാ ദിവസങ്ങളിലും വ്യാപിപ്പിക്കാനുള്ള തയാറെടുപ്പിലാണു യൂനിറ്റ് പ്രവര്‍ത്തകര്‍.