ഫൈസാബാദ് (പട്ടിക്കാട് ): ജാമിഅ നൂരിയ്യ 61ാം വാര്‍ഷിക 59ാം സനദ്ദാന സമ്മേളനത്തോടനുബന്ധിച്ച് കോഡിനേഷന്‍ ഓഫ് ജാമിഅ: ജൂനിയര്‍ കോളജസിന്റെ ആഭിമുഖ്യത്തില്‍ സംഘടിപ്പിക്കുന്ന ഗ്രാന്‍ഡ് സല്യൂട്ട് നാളെ വൈകുന്നേരം നടക്കും. ജാമിഅ: സമ്മേളനങ്ങളുടെ മുഖ്യ ആകര്‍ഷണ ഇനങ്ങളിലൊന്നായ ഗ്രാന്‍ഡ് സല്യൂട്ടില്‍ ജാമിഅ: നൂരിയ്യ:യുമായി അഫിലിയേറ്റ് ചെയ്ത അറുപത് സ്ഥാപനങ്ങളിലെ 5082 വിദ്യാര്‍ത്ഥികള്‍ അണിനിരക്കും. സമസ്ത ജനറല്‍ സെക്രട്ടറി പ്രൊഫ. കെ. ആലിക്കുട്ടി മുസ്ല്യാരുടെ അദ്ധ്യക്ഷതയില്‍ പാണക്കാട് സയ്യിദ് സ്വാദിഖലി ശിഹാബ് തങ്ങള്‍ ഉദ്ഘാടനം ചെയ്യും. സയ്യിദ് അബ്ബാസലി ശിഹാബ് തങ്ങള്‍ പ്രതിജ്ഞ ചൊല്ലി ക്കൊടുക്കും. എം.പി അബ്ദുസമദ് സമദാനി എം.പി മുഖ്യപ്രഭാഷണം നിര്‍വ്വഹിക്കും. അബ്ദുള്ള മുജ്തബ ഫൈസി ആമുഖ ഭാഷണം നിര്‍വ്വഹിക്കും. ഹംസ റഹ്മാനി കൊണ്ടി പറമ്പ്, ടിച്ച് ദാരിമി ഏപ്പിക്കാട് സംസാരിക്കും.

രാവിലെ 10 ന് ജൂനിയര്‍ കോണ്‍ 2024 കേരള നിയമസഭ സ്പീക്കര്‍ എ.എന്‍ ഷംസീര്‍ ഉദ്ഘാടനം ചെയ്യും. പുത്തനഴി മൊയ്തീന്‍ ഫൈസി അധ്യക്ഷനാവും. പി.വി അബ്ദുല്‍ വഹാബ് എം.പി വിശിഷ്ടാതിഥിയായിരിക്കും. മുതീഉല്‍ഹഖ് ഫൈസി ക്ലാസെടുക്കും. എം.എല്‍.എ മാരായ കെ.പി.എ മജീദ്, പി.കെ ബഷീര്‍ സംസാരിക്കും. മുന്നൊരുക്കം സെഷന്‍ കെ.ടി ഹംസ മുസ്ലിയാര്‍ വയനാട് ഉദ്ഘാടനം ചെയ്യും. അബ്ദുല്ലത്തീഫ് ഫൈസി പാതിരമണ്ണ അധ്യക്ഷനാവും. അബ്ദുല്‍ ഗഫൂര്‍ അല്‍ ഖാസിമി, അബ്ദുസ്സലാം ഫൈസി ഒളവട്ടൂര്‍, ഉമര്‍ ഫൈസി മുടിക്കോട് സംസാരിക്കും.

ഉച്ചക്ക് രണ്ടിന് നടക്കുന്ന ജൂനിയര്‍ കോണ്‍ രണ്ട് പ്രതിപക്ഷ നേതാവ് വി.ഡി സതീഷന്‍ ഉദ്ഘാടനം ചെയ്യും. അസ്ഗറലി ഫൈസി പട്ടിക്കാട് അധ്യക്ഷനാവും. റാഷിദ് ഗസ്സാലി കൂളിവയല്‍ ക്ലാസെടുക്കും. ഉസ്മാന്‍ ഫൈസി ഏറിയാട്, അബ്ദുള്ള ദാരിമി വളമംഗലം, അബ്ദുറഹ്മാന്‍ വഹബി വറ്റലൂര്‍, റഫീഖ് അഹ്മദ് ഹുദവി തോഡാര്‍ സംസാരിക്കും.

വൈകിട്ട് 6.30 ന് നടക്കുന്ന രാഷ്ട്രാന്തരീയം സെഷന്‍ ഡോ. എം.കെ മുനീര്‍ എം.എല്‍.എയുടെ അധ്യക്ഷതയില്‍ ഇ.ടി മുഹമ്മദ് ബശീര്‍ എം.പി ഉദ്ഘാടനം നിര്‍വ്വഹിക്കും. ഫലസ്തീന്‍ ചരിത്രവും വര്‍ത്തമാനവും എന്ന വിഷയത്തില്‍ റഫീഖ് സകരിയ്യ ഫൈസി കൂടത്തായി ക്ലാസെടുക്കും. അഡ്വ. എന്‍. ശംസുദ്ധീന്‍ എം.എല്‍.എ, ടി.വി ഇബ്രാഹിം എം.എല്‍.എ, പി.ശ്രീരാമകൃഷ്ണന്‍, സി.പി.സൈതലവി, ഡോ. അബ്ദുറഹ്മാന്‍ ബാഖവി ഒളവട്ടൂര്‍, അസ്‌ലം ഫൈസി ബാംഗ്ലൂര്‍, അബ്ദുസ്സമദ് കമ്പളക്കാട് സംസാരിക്കും. സമാപന സമ്മേളനം നാളെ സമസ്ത പ്രസിഡന്റ് സയ്യിദ് മുഹമ്മദ് ജിഫ്രി മുത്തുക്കോയ തങ്ങളുടെ അധ്യക്ഷതയില്‍ ബഹ്‌റൈന്‍ ഡെപ്യൂട്ടി സ്പീക്കര്‍ ശൈഖ് അഹമ്മദ് അബ്ദുല്‍ വാഹിദ് ഖറാത്ത ഉദ്ഘാടനം ചെയ്യും.

ജാമിഅ സമ്മേളനം: ഗ്രാന്‍ഡ് സല്യൂട്ട് നാളെ