മലപ്പുറം: സ്വകാര്യ ആശുപത്രികളില്‍ വാക്‌സിന്‍ സൂക്ഷിക്കാനുള്ള ശീതീകരണ സംവിധാനം കുറ്റമറ്റതാക്കുമെന്ന് ഉറപ്പാക്കണമെന്ന് കമ്മിഷന്‍ നിര്‍ദേശിച്ചു.  ഇന്ത്യന്‍ അസോസിയേഷന്‍ ഓഫ് പീഡിയാട്രിഷന്‍സ് ഇക്കാര്യത്തില്‍ ജാഗ്രത പുലര്‍ത്തണം. പ്രത്യേക ശീതീകരണ സംവിധാനങ്ങളില്ലെങ്കില്‍ തൊട്ടടുത്ത സര്‍ക്കാര്‍ ആശുപത്രിയിലേയ്ക്ക് റഫര്‍ ചെയ്യണം.  ഫാര്‍മസിയില്‍ ഇത്തരം മരുന്നുകള്‍ സൂക്ഷിക്കരുത്.  
സര്‍ക്കാര്‍ ആശുപത്രികളിലുള്ളത് പോലെ ഐസ് ലൈന്‍ റഫ്രിജറേഷന്‍ (ഐ.എല്‍.ആര്‍) സംവിധാനം നിര്‍ബന്ധമാക്കണം. ഇത്തരം വാക്‌സിനുകളുടെ നിര്‍മാണം മുതല്‍ ഉപയോഗം വരെയുള്ള കാലയളവില്‍ പാലിക്കുന്ന കോള്‍ഡ് ചെയ്ന്‍ പാലിക്കുന്നുണ്ടെന്ന് ഉറപ്പാക്കണം.  റഫ്രിജറെറ്റ് ചെയ്യാത്ത വാക്‌സിനുകള്‍ യാതൊരു കാരണവശാലും നല്‍കരുതെന്നും കമ്മിഷന്‍ നിര്‍ദേശിച്ചു.  തടസം കൂടാതെ വൈദ്യുതി ലഭിക്കുന്നതിനുള്ള സംവിധാനവും ആശുപത്രികളിലുണ്ടാകണം.