കലിംഗ സൂപ്പര്‍ കപ്പില്‍ ഗ്രൂപ്പ് ഘട്ടത്തിലെ ആദ്യ മത്സരത്തില്‍ കേരള ബ്ലാസ്റ്റേഴ്‌സ് ഷില്ലോങ് ലജോംഗിനെ പരാജയപ്പെടുത്തി. ഒന്നിനെതിരെ മൂന്ന് ഗോളുകള്‍ക്ക് ആയിരുന്നു കേരള ബ്ലാസ്റ്റേഴ്‌സിന്റെ വിജയം. പെപ്ര നേടിയ ഇരട്ട ഗോളുകളാണ് ബ്ലാസ്റ്റേഴ്‌സിന് കരുത്തായത്. ഐമനും ബ്ലാസ്റ്റേഴ്‌സിനായി ഗോള്‍ നേടി.

ശക്തമായ ടീമുമായി ഇറങ്ങിയ ബ്ലാസ്റ്റേഴ്‌സ് മികച്ച രീതിയില്‍ തന്നെ തുടങ്ങി. 15ആം മിനുട്ടില്‍ പെപ്രയിലൂടെ ബ്ലാസ്റ്റേഴ്‌സ് ലീഡ് എടുത്തു. ദിമിത്രിയോസ് നല്‍കിയ മികച്ച പാസില്‍ നിന്നായിരുന്നു പെപ്രയുടെ ഫിനിഷ്. 27ആം മിനുട്ടില്‍ പെപ്ര ലീഡ് ഇരട്ടിയാക്കി. ഇത്തവണ പ്രബീര്‍ ദാസ് നല്‍കിയ ക്രോസ് ലക്ഷ്യത്തില്‍ എത്തിച്ചാണ് പെപ്ര സ്‌കോര്‍ 20 എന്നാക്കിയത്.

ഷില്ലോംഗിന് ഒരു പെനാള്‍ട്ടിയിലൂടെ ആണ് ഒരു ഗോള്‍ കണ്ടെത്താനായത്. സ്‌ട്രൈക്കര്‍ കരീമിനെ സച്ചിന്‍ വീഴ്ത്തിയതിന് ലഭിച്ച പെനാള്‍ട്ടി റെനാന്‍ പൗളീനോ ലക്ഷ്യത്തില്‍ എത്തിച്ചു. സ്‌കോര്‍ 21.

സൂപ്പര്‍ കപ്പില്‍ വിജയത്തുടക്കവുമായി കേരള ബ്ലാസ്റ്റേഴ്‌സ്