ഇ.വി വാഹനങ്ങളുടെ കുതിപ്പിനാണ് ലോകം ഇപ്പോള്‍ സാക്ഷ്യം വഹിച്ചുകൊണ്ടിരിക്കുന്നത്. വാഹന ലോകത്തെ ഭീമന്‍മാര്‍ക്കൊപ്പം പുത്തന്‍ കമ്പനികളും ഇലക്ട്രിക്ക് ലോകത്ത് തങ്ങളുടെ ഭാഗ്യം പരീക്ഷിക്കാനായി ശ്രമം നടത്തിക്കൊണ്ടിരിക്കുകയാണ്. ഇലക്ട്രിക്ക് രംഗത്തെ വമ്പന്മാരായ സോണി ഇപ്പോള്‍ ഹോണ്ടയുമായി ചേര്‍ന്ന് വാഹനം നിര്‍മ്മിക്കാനൊരുങ്ങുന്നു എന്നുള്ള റിപ്പോര്‍ട്ടുകള്‍ പുറത്ത് വന്നിരിക്കുകയാണ്. ഇരു കമ്പനികളും ചേര്‍ന്ന് മാര്‍ക്കറ്റിലേക്ക് അവതരിപ്പിക്കുന്ന ഇലക്ട്രിക്ക് കാറിന് അഫീല എന്നാണ് പേരിട്ടിരിക്കുന്നത്.

അഫീലയുടെ നിര്‍മ്മാണത്തിനായി കമ്പനികള്‍ തയ്യാറെടുക്കുകയാണ്. വാഹനത്തിന്റെ പ്രോട്ടോടൈപ്പ് CES2024ല്‍ പ്രദര്‍ശിപ്പിച്ചിരിക്കുകയാണ്.
2026ലാണ് കാര്‍ കമ്പനികള്‍ വിപണിയിലേക്ക് എത്തിക്കുക. എന്നാല്‍ വാഹനത്തിന്റെ ബുക്കിങ് ഈ വര്‍ഷം അവസാനമോ അടുത്ത വര്‍ഷം തുടക്കത്തിലോ ഉണ്ടായിരിക്കും.ആഡംബരവും ഡിസൈനും സൗകര്യങ്ങളും ഒത്തുരുമിച്ച് കൂടിച്ചേരുന്ന ഈ വാഹനത്തിന്4,195 mm നീളവും 1,900 mm വീതിയും 1,460 mm ഉയരവുമുണ്ട്. 3000 mm ആണ് ഇവിയുടെ വീല്‍ബേസ് അളക്കുന്നത്.POS5 കണ്‍ട്രോളര്‍ വഴി നിയന്ത്രിക്കാവുന്ന ഈ കാറിന്റെ ഓരോ ഇലക്ട്രിക്ക് മോട്ടോറുകള്‍ക്കും

241 bhp പവര്‍ നല്‍കാന്‍ ശേഷിയുള്ളതാണ്. ഇവ രണ്ടും ചേര്‍ന്ന് 482 bhp വരെ പവര്‍ പുറപ്പെടുവിക്കും. ഇതോടൊപ്പം, മികച്ച റേഞ്ച് ശേഷി നല്‍കുന്നതിനായി ഈ കാറില്‍ 91 kWh ബാറ്ററി പായ്ക്ക് സജ്ജീകരിക്കും.ഒരു തവണ ചാര്‍ജ് ചെയ്താല്‍ 600 കി.മീ ദൂരത്തേക്ക് സഞ്ചരിക്കാന്‍ സാധിക്കുന്ന ഈ വാഹനത്തിന് 150 kW DC ഫാസ്റ്റ് ചാര്‍ജിംഗ്, 11kW ലെവല്‍ 2 ചാര്‍ജിംഗ് ശേഷി എന്നിവയുണ്ടാകുമെന്നാണ് കമ്പനി അവകാശപ്പെടുന്നത്.

Content Highlights:afeela electric sedan details