ദുബൈ: ഭിന്നശേഷിക്കാർക്ക് യാത്രാ സൗകര്യത്തിനായി പുതിയ ആപ്പ് വഴി ഒരുക്കി ദുബൈ ടാക്സി.ഡിടിസി ആപ് വഴിയാണ് ഭിന്നശേഷിക്കാർക്ക് ടാക്സികൾ ബുക്ക് ചെയ്യാൻ സാധിക്കുക. വീൽചെയർ ഉപയോഗിക്കുന്നവർക്കുള്ള പ്രത്യേക ടാക്സികൾ ഒഴികെ എല്ലാം ബുക്ക് ചെയ്യാൻ സാധിക്കും. ഭിന്നശേഷിക്കാർക്ക് പ്രത്യേകം ലഭിക്കുന്ന 50 ശതമാനം നിരക്കിളവും ഇവിടെ ലഭിക്കും.

‘സനദ് കാർഡ്’ കൈവശം ഉള്ളവർക്കാണ് ഈ സേവനം ലഭിക്കുക. ഭിന്നശേഷിക്കാർക്ക് ദുബായ് കമ്യൂണിറ്റി ഡെവലപ്മെന്‍റ് അതോറിറ്റി നൽകുന്ന സ്മാർട്ട് കാർഡാണ് സനദ് കാർഡ്. ദുബൈ പൊതുഗതഗാത മേഖലയിൽ അന്താരാഷ്ട്ര നിലവാരത്തിലുള്ള സേവനങ്ങൾ നൽകാൻ ആണ് ഡി.ടി.സിയുടെ ശ്രമങ്ങൾ. ഇതിന്റെ കൂടെയാണ് ഭിന്നശേഷിക്കാർക്കുള്ള പ്രത്യേക സേവനവും ഡി.ടി.സി നൽകുന്നത്.

ഭിന്നശേഷിക്കാർ അയ ഉപഭോക്താക്കൾക്കുള്ള സംതൃപ്തിയാണ് കമ്പനി ലക്ഷ്യംവെക്കുന്നത്. ഭിന്നശേഷിക്കാർക്ക് വേണ്ടി രൂപപ്പെടുത്തിയ കമ്പനിയുടെ വാഹനത്തിന് നിരവധി ഉപയോക്താക്കൾ ഉണ്ടെന്ന് ഡി.ടി.സി ബിസിനസ് ട്രാൻസ്ഫോമേഷൻ മേധാവി അബ്ദുല്ല ഇബ്രാഹീം അൽ മീർ പറഞ്ഞു. പുതിയ ഡിജിറ്റൽ സേവനം വഴി ഇത്തരക്കാർക്ക് ഗതാഗതസൗകര്യം ഒരുക്കുകയാണ് ലക്ഷ്യം വെക്കുന്നതെന്ന് അദ്ദേഹം കൂടിച്ചേർത്തു.

രാജ്യത്ത് താമസക്കാർ ആയവർക്കും, സന്ദർശകർ ആയവർക്കും, വിനോദ സഞ്ചാരികൾക്കും എളുപ്പത്തിലും വേഗത്തിലും ടാക്സി ലഭ്യമാക്കാൻ ആണ് ഇത്തരത്തിലുള്ള സംവിധാനങ്ങൾ ഒരുക്കിയിരിക്കുന്നത്. ‘പീപ്ൾ ഓഫ് ഡിറ്റർമിനേഷൻ ടാക്സി’ എന്ന പേരിൽ പ്രത്യേക സേവനവും ഡിടിസി സ്മാർട് ആപ്ലിക്കേഷൻ വഴി ലഭിക്കുന്നുണ്ട്. രാജ്യത്ത് എല്ലാ വർക്ക് യാത്ര എളുപ്പത്തിലും വേഗത്തിലും നൽകുക എന്നതാണ് ഇതിലൂടെ ലക്ഷ്യം വെക്കുന്നത്.

Content Highlights:Dubai Taxi has developed an app for the disabled