ശരീരത്തിന്റെ ഭാരവുമായി ബന്ധപ്പെട്ട തീരുമാനങ്ങളില്‍ ബദ്ധശ്രദ്ധരായിരിക്കും നമ്മളില്‍ പലരും. ചിലര്‍ക്ക് ശരീരഭാരം കൂടുതലുള്ളതാണ് പ്രശ്‌നമെങ്കില്‍ മറ്റ് ചിലരുടെ പ്രശ്‌നം ശരീരഭാരം വര്‍ദ്ധിപ്പിക്കലാണ്.ഫോര്‍ബ്‌സ് മാഗസിന്‍ നടത്തിയ ഒരു പഠന റിപ്പോര്‍ട്ട് പ്രകാരം, ന്യൂഇയര്‍ റെസല്യൂഷനുകളില്‍ നാലാം സ്ഥാനത്തുള്ളത് ശരീരഭാരം കുറയ്ക്കുക എന്നതാണ്.

എന്നാല്‍ ഭാരം കുറഞ്ഞോ അല്ലെങ്കില്‍ കൂടിയോ എന്ന് നമുക്ക് തോന്നുമ്പോഴൊക്കെ പോയു പരിശോധിക്കരുതെന്നാണ് ആരോഗ്യവിദഗ്ധര്‍ ചൂണ്ടിക്കാട്ടുന്നത്. കൃത്യമായ ഭാരം അറിയുന്നതിനായി രാവിലെ ഉറക്കമുണര്‍ന്ന ശേഷം ശരീരഭാരം നോക്കുകയായിരിക്കും ഉത്തമം. ഭക്ഷണമെല്ലാം ദഹിച്ച് വയര്‍ ശൂന്യമായ അവസ്ഥയായിരിക്കും രാവിലെ.

കൂടാതെ ആഴ്ചയില്‍ ഒരു ദിവസം മാത്രം ഭാരം പരിശോധിച്ചാല്‍ മതിയാകും.
ഓരോ ദിവസവും ശരീരത്തിലെ ജലത്തിന്റെ അളവ്, ഭക്ഷണത്തിന്റെ അളവ് ഇതെല്ലാം വ്യത്യാസപ്പെട്ടുകൊണ്ടിരിക്കും. അതുകൊണ്ട് ദിവസവും ഭാരം നോക്കുന്നത് നന്നല്ല. ഇതിന് പുറമെ ഭാരം പരിശോധിക്കുന്നതിനായി ഒരേ രീതി തന്നെ എപ്പോഴും പിന്തുടരുന്നതാണ് നല്ലത്. ഇടയ്ക്കിടെ വ്യത്യസ്ഥ രീതികള്‍ ഭാര പരിശോധനക്ക് ഉപയോഗിച്ചാല്‍ അത് കൃത്യമായ ഭലം ലഭിക്കാതെ വരുന്നതിന് ഇടയാക്കും.

Content Highlights:When and how to measure weight