വാട്‌സ്ആപ്പ് വഴി മെട്രോ ട്രെയിന്‍ ടിക്കറ്റ് ബുക്ക് ചെയ്യാം ഈസിയായി

കൊച്ചി: മെട്രോ ടിക്കറ്റുകള്‍ ഇനി വാട്ട്‌സ് ആപ്പിലും ലഭ്യമാകും. മെട്രോ സ്റ്റേഷനിലെത്തി ടിക്കറ്റ് എടുക്കുന്നതിനുള്ള ബുദ്ധിമുട്ടുകള്‍ ഒഴിവാക്കാന്‍ വേണ്ടിയാണ് പുതിയ ഡിജിറ്റല്‍ ടിക്കറ്റിങ്ങ് അവതരിപ്പിക്കുന്നത്.

ടിക്കറ്റെടുക്കാനായി കൊച്ചി മെട്രോയുടെ 9188957488 എന്ന നമ്പറില്‍ മെസ്സേജ് അയക്കുക. ശേഷം ക്യൂ ആര്‍ ടിക്കറ്റ് ഓപ്ഷന്‍ തിരഞ്ഞെടുക്കണം. പിന്നീട് ബുക്ക് ടിക്കറ്റ് എന്ന ഓപ്ഷനില്‍ ചെന്ന് യാത്ര വിവരങ്ങള്‍ നല്‍കണം. പേയ്‌മെന്റ് അടച്ച ശേഷം ടിക്കറ്റ് വാട്‌സ്ആപ്പ് വഴി ലഭ്യമാകും. കൂടാതെ ടിക്കറ്റുകള്‍ ക്യാന്‍സല്‍ ചെയ്യുന്നതിനായി ഇതേ നമ്പറില്‍ മെസ്സേജ് അയച്ച ശേഷം ക്യാന്‍സല്‍ ചെയ്യാനുള്ള ഓപ്ഷന്‍ നല്‍കാവുന്നതാണ്.

ഏത് സ്റ്റേഷനിലേക്ക് വേണ്ടിയുള്ള ടിക്കറ്റും വാട്ട്‌സ് ആപ്പ് വഴി എടുക്കാന്‍ സാധിക്കും. വാട്ട്‌സ്ആപ്പ് വഴി ബുക്ക് ചെയ്യുന്ന ടിക്കറ്റുകള്‍ ഉപയോഗിച്ച് 40 മിനിറ്റ് മാത്രമേ യാത്ര ചെയ്യാന്‍ സാധിക്കു. ഇങ്ങനെ ടിക്കറ്റ് എടുക്കുന്നവര്‍ക്ക് 10 മുതല്‍ 50 ശതമാനം വരെ കിഴിവും ടിക്കറ്റ് നിരക്കില്‍ ലഭിക്കും.