കോഴിക്കോട്: കേന്ദ്ര സര്‍ക്കാരിന്റെ തൊഴിലാളി വിരുദ്ധ നയങ്ങള്‍ക്കെതിരേ സെപ്റ്റംബര്‍ രണ്ടിനു നടക്കുന്ന പണിമുടക്ക് വിജയിപ്പിക്കുന്നതിനായി ഇന്നും നാളെയുമായി ജില്ലയില്‍ ട്രേഡ് യൂനിയന്‍, സര്‍വിസ് സംഘടനാ സംയുക്ത ജില്ലാ സമിതിയുടെ നേതൃത്വത്തില്‍ രണ്ടു വാഹന പ്രചാരണ ജാഥ നടത്തും.
സി.ഐ.ടി.യു ജില്ലാ ജനറല്‍ സെക്രട്ടറി ടി. ദാസന്‍ നയിക്കുന്ന കോഴിക്കോട്-താമരശ്ശേരി ജാഥ ഇന്നു വൈകിട്ട് 4.30ന് തിരുവമ്പാടിയില്‍ എസ്.ടി.യു സംസ്ഥാന സെക്രട്ടറി യു. പോക്കര്‍ ഉദ്ഘാടനം ചെയ്യും. എ.ഐ.ടി.യു.സി നേതാവ് എ.കെ ചന്ദ്രന്‍ നയിക്കുന്ന കൊയിലാണ്ടി താലൂക്ക് ജാഥ ഇന്നു വൈകിട്ട് അഞ്ചിന് പേരാമ്പ്രയില്‍ ഐ.എന്‍.ടി.യു.സി സംസ്ഥാന ജനറല്‍ സെക്രട്ടറി കെ.സി രാമചന്ദ്രന്‍ ഉദ്ഘാടനം ചെയ്യും.