ആലപ്പുഴ – ധന്‍ബാദ് എക്‌സ്പ്രസിലെ ശുചിമുറിയിൽ യുവതി മരിച്ച നിലയിൽ

കോട്ടയം: ട്രെയിനിലെ ശുചിമുറിയില്‍ മലയാളി യുവതിയെ മരിച്ചനിലയില്‍ കണ്ടെത്തി. വൈക്കം ആറാട്ടുകുളങ്ങര പാലക്കാട്ട് മഠത്തില്‍ പരേതനായ സുരേന്ദ്രന്‍ നായരുടെ മകള്‍ സുരജ എസ്. നായര്‍ (45) ആണ് മരിച്ചത്. ആലപ്പുഴ – ധന്‍ബാദ് എക്‌സ്പ്രസിലെ ശുചിമുറിയിലാണ് ഇവരെ മരിച്ച നിലയിൽ കണ്ടെത്തിയത്.

തമിഴ്‌നാട്ടിലെ ജോളാര്‍പേട്ടല്‍വെച്ചാണ് മൃതദേഹം കണ്ടെത്തിയത്. ഒഡീഷയിലുള്ള സഹോദരി സുധയുടെ വീട്ടിൽ പോയ ശേഷം വൈക്കത്തേക്ക് ട്രെയിനിൽ വരുന്നതിനിടെയാണ് സംഭവം. ഹൃദയാഘാതമാണ് മരണ കാരണം എന്നാണ് നാട്ടിൽ കിട്ടിയിട്ടുള്ള വിവരം.

മരണവിവരമറിഞ്ഞ് ബന്ധുക്കള്‍ ജോളാര്‍പേട്ടയിലേക്ക് പോയിട്ടുണ്ട്.