അജ്‌മാൻ: ജർഫ് ഫുട്ബോൾ ലവേഴ്‌സിന്റെ നേതൃത്വത്തിൽ നടത്തിയ ജർഫ് ഫുട്ബോൾ ലീഗ് സീസൺ വൺ ടൂർണമെന്റിൽ ദുബൈ മത്രൂഷി ടൈഗേഴ്‌സ് ചാമ്പ്യന്മാരായി. ഫൈനലിൽ ജർഫ് അൽ മദീനയെ ഏകപക്ഷീയമായ രണ്ട് ഗോളുകൾക്ക് തോൽപ്പിച്ചാണ് മത്രൂഷി ടൈഗേഴ്‌സ് ജേതാക്കളായത്. മത്രൂഷി ടൈഗേഴ്‌സിലെ മുഫീദ് ഫൈനലിലെ മികച്ച താരമായും റിസ്‌വാൻ ടൂർണമെന്റിലെ മികച്ച താരമായും ഷബീർ അഹമ്മദ് മികച്ച ഗോൾ കീപ്പറായും തെരഞ്ഞെടുക്കപ്പെട്ടു. സൂർപ്പിൽ എഫ്സി ടീം മാനേജർ ഷിഹാബ്‌ ട്രോഫികൾ സമ്മാനിച്ചു. ചാമ്പ്യന്മാർക്ക് വേണ്ടി നായകൻ ഫർഷാദ് എസി ട്രോഫി ഏറ്റുവാങ്ങി.