നന്തി: ജാമിഅ ദാറുസ്സലാം ശരീഅത്ത് കോളേജ് വിദ്യാര്‍ഥി സംഘടനയായ മഅ്ദിനുല്‍ ബയാന്‍ സ്റ്റുഡന്റ്‌സ് അസോസിയേഷന്റെ (എം.ബി.എസ്.എ) 2016-17 അധ്യയന വര്‍ഷത്തെ പ്രവര്‍ത്തനങ്ങളുടെ ഉദ്ഘാടനം സമസ്ത കേരള ജംഇയ്യത്തുല്‍ ഉലമാ കേന്ദ്ര മുശാവറാ അംഗവും ദാറുസ്സലാം ജനറല്‍ സെക്രട്ടറിയുമായ എ.വി.അബ്ദുറഹ്മാന്‍ മുസ്‌ല്യാര്‍ നിര്‍വഹിച്ചു.
    മഹല്ല് ശാക്തീകരണ പ്രവര്‍ത്തനങ്ങള്‍ക്ക് പ്രസംഗ പരിശീലനം അനിവാര്യമാണെന്നും വിജ്ഞാനം നിറഞ്ഞ പ്രസംഗങ്ങള്‍ എല്ലാ കാലത്തും ജനങ്ങള്‍ സ്വീകരിച്ചിട്ടുണ്ടെന്നും അദ്ദേഹം അഭിപ്രായപ്പെട്ടു. ജാമിഅ ദാറുസ്സലാം വൈസ് പ്രിന്‍സിപ്പല്‍ ഇ.കെ.അബൂബക്കര്‍ മുസ്‌ല്യാര്‍ അധ്യക്ഷത വഹിച്ചു.
കെ.ടി.അബ്ദുല്‍ ജലീല്‍ ഫൈസി വെളിമുക്ക്, ഐ.ടി.അബൂബക്കര്‍ അല്‍ ഖാസിമി, തഖിയ്യുദ്ദീന്‍ ഹൈതമി എന്നിവര്‍ സംസാരിച്ചു. ആരിഫ്.ടി.പി കാസര്‍ഗോഡ് സ്വാഗതവും ബദ്‌റുദ്ദീന്‍ അരീക്കോട് നന്ദിയും പറഞ്ഞു.