അഹമ്മദാബാദ്: ഗുജറാത്തിലെ വഡോദരയില്‍ ബോട്ടപകടത്തില്‍ ആറ് സ്‌കൂള്‍ വിദ്യാര്‍ഥികളും രണ്ട് അധ്യാപകരും മരിച്ചു. വഡോദരയിലെ ഹര്‍ണി തടാകത്തിലാണ് അപകടമുണ്ടായത്. അപകടസമയത്ത് 27 വിദ്യാര്‍ഥികളും 4 അധ്യാപകരുമാണ് ബോട്ടില്‍ ഉണ്ടായിരുന്നതെന്ന് പ്രാദേശിക മാധ്യമങ്ങള്‍ റിപ്പോര്‍ട്ട് ചെയ്തു.

ന്യൂ സണ്‍റൈസ് എന്ന സ്വകാര്യ സ്‌കൂളിലെ വിദ്യാര്‍ഥികളും അധ്യാപകരുമാണ് അപകടത്തില്‍പെട്ടത്. സ്‌കൂളില്‍ നിന്നുള്ള വിനോദയാത്രയായിരുന്നുവെന്നാണ് വിവരം. സംഭവ സമയത്ത് ആരും ലൈഫ് ജാക്കറ്റ് ഉപയോഗിച്ചിരുന്നില്ലെന്നാണ് റിപ്പോര്‍ട്ട്. രക്ഷാപ്രവര്‍ത്തനം തുടരുകയാണ്.

ഗുജറാത്തില്‍ ബോട്ട് മറിഞ്ഞ് അപകടം: 6 സ്‌കൂള്‍ വിദ്യാര്‍ഥികളും 2 അധ്യാപകരും മരിച്ചു