കോളജ് വിദ്യാര്‍ഥികള്‍ക്ക് സെന്‍ട്രല്‍ സെക്ടര്‍ സ്‌കോളര്‍ഷിപ്പ്; 31 വരെ അപേക്ഷിക്കാന്‍ അവസരം

കേന്ദ്ര മാനവവിഭവ ശേഷി മന്ത്രാലയം കോളജ്/ സര്‍വ്വകലാശാല വിദ്യാര്‍ഥികള്‍ക്ക് അനുവദിക്കുന്ന 2023-24 അധ്യായന വര്‍ഷത്തെ സെന്‍ട്രല്‍ സെക്ടര്‍ സ്‌കോളര്‍ഷിപ്പിന് (ഫ്രഷ്/ റിന്യൂവല്‍) ഓണ്‍ലൈനായി അപേക്ഷിക്കുന്നതിനുള്ള തീയതി ജനുവരി 31 വരെ നീട്ടി.

യോഗ്യത
കേരള സ്‌റ്റേറ്റ് ഹയര്‍സെക്കണ്ടറി/ വൊക്കേഷണല്‍ ഹയര്‍സെക്കണ്ടറി ബോര്‍ഡുകള്‍ നടത്തിയ 2023-ലെ 12ാം ക്ലാസ് പരീക്ഷയില്‍ 80 ശതമാനം കൂടുതല്‍ മാര്‍ക്കുവാങ്ങി വിജയിച്ചവരും ഏതെങ്കിലും റെഗുലര്‍ ബിരുദ കോഴ്‌സിന് ഒന്നാം വര്‍ഷം ചേര്‍ന്നവരുമായിരിക്കണം. കറസ്‌പോണ്ടന്‍സ് കോഴ്‌സിനോ, ഡിസ്റ്റന്‍സ് കോഴ്‌സിനോ ഡിപ്ലോമ കോഴ്‌സിനോ ചേര്‍ന്നവര്‍ക്ക് അപേക്ഷിക്കാന്‍ കഴിയില്ല.

പ്രായം
18നും 25നും ഇടയില്‍ പ്രായമുള്ളവര്‍ക്ക് അപേക്ഷിക്കാം.

നാഷണല്‍ സ്‌കോളര്‍ഷിപ്പ് പോര്‍ട്ടലായ www.scholarship.gov.in വഴി ഫ്രഷ്/ റിന്യൂവല്‍ അപേക്ഷിക്കാം. സ്ഥാപനങ്ങള്‍ക്ക് അപേക്ഷ പരിശോധിക്കാനുള്ള അവസാന തീയതി ഫെബ്രുവരി 15.

വിവരങ്ങള്‍ക്ക്: www.collegiateedu.kerala.gov.in| www.dcescholarship.kerala.gov.in| 9447096580| [email protected] സന്ദര്‍ശിക്കുക.