വ്യാജപ്രചാരണങ്ങള്‍ക്ക് ഇരയാകുന്നവരില്‍ കൂടുതല്‍ പേരും ഇന്ത്യക്കാരെന്ന് റിപ്പോര്‍ട്ട്. ലോക സാമ്പത്തിക ഫോറത്തിന്റെ റിപ്പോര്‍ട്ടിലാണ് ഇക്കാര്യം സൂചിപ്പിക്കുന്നത്. ഈ വര്‍ഷം യു.എസ്.എ, മെക്‌സിക്കോ, ഇന്ത്യ തുടങ്ങിയ രാജ്യങ്ങളില്‍ പൊതു തെരെഞ്ഞെടുപ്പ് വരാനിരിക്കെ വര്‍ദ്ധിക്കുന്ന വ്യാജപ്രചാരണങ്ങളും തെറ്റായ സന്ദേശങ്ങളും വലിയ ആക്രമണത്തിലേക്ക് നയിച്ചേക്കാമെന്ന ആശങ്കയും റിപ്പോര്‍ട്ട് പങ്കുവെക്കുന്നുണ്ട്.

യു.എസ് ആറാമതും മെക്‌സിക്കോ പതിനൊന്നാമതും ഇന്തോനേഷ്യ പതിമൂന്നാമതുമാണ് വ്യാജ സന്ദേശങ്ങള്‍ പ്രചരിക്കുന്ന രാജ്യങ്ങളുടെ പട്ടികയില്‍ ഇടം പിടിച്ചിരിക്കുന്നത്. ഇതില്‍ തന്നെ വ്യാജ പ്രചാരണങ്ങളുടെ അടിസ്ഥാനത്തില്‍ ലോകത്ത് ഏറ്റവും വലിയ അപകട സാധ്യത നിലനില്‍ക്കുന്ന രാജ്യം ഇന്ത്യയാണെന്നും റിപ്പോര്‍ട്ട് ചൂണ്ടിക്കാണിക്കുന്നത്.

മീഡിയകളാണ് ലോകത്ത് വ്യാജ സന്ദേശങ്ങള്‍ പ്രചരിപ്പിക്കുന്നതില്‍ മുമ്പില്‍ നിന്നും പ്രവര്‍ത്തിക്കുന്നതെന്നും റിപ്പോര്‍ട്ട് ചൂണ്ടിക്കാണിക്കുന്നുണ്ട്. ഇത് പൊതുജനാഭിപ്രായത്തില്‍ വലിയ തോതില്‍ മാറ്റങ്ങള്‍ വരാന്‍ കാരണമാകുമെന്നും ലോക സാമ്പത്തിക ഫോറം ചൂണ്ടിക്കാട്ടുന്നു.

Content Highlights:Indian polls most vulnerable to misinformation WEF report