കൊല്ലം: ഓടിക്കൊണ്ടിരുന്ന സ്വകാര്യബസിന്റെ  ഡോര്‍  തുറന്ന് സൈക്കിള്‍ യാത്രക്കാരനായ വൃദ്ധന് പരുക്കേറ്റു.  മുതിരപറമ്പ് പള്ളിപടിഞ്ഞാറ്റതില്‍ ഷാജഹാനാ(60)ണ് പരുക്കേറ്റത്. ഇന്നലെ ഉച്ചയ്ക്ക് 12ഓടെ വെള്ളയിട്ടമ്പലം ജങ്ഷനിലായിരുന്നു അപകടം.  സൈക്കിളിന്റെ സമീപത്തു കൂടി പോകുന്നതിനിടയില്‍ ബസിന്റെ ഡോര്‍ തുറന്ന് ഷാജഹാന്റെ തലയില്‍ ഇടിയ്ക്കുകയായിരുന്നു.  ബസ്   നിര്‍ത്താതെ പോയതായി പറയുന്നു.  സമീപത്തെ കച്ചവടക്കാരും വഴിയാത്രക്കാരുമാണ്  ഷാജഹാനെ ആശുപത്രിയിലെത്തിച്ചത്. വെസ്റ്റ്, ട്രാഫിക് പൊലിസ് സ്റ്റേഷനുകളില്‍ പരാതി നല്‍കിയെങ്കിലും നടപടി എടുത്തിട്ടില്ലെന്ന് ഷാജഹാന്റെ ബന്ധുക്കള്‍ ആരോപിച്ചു.