കൊല്ലം: കേരള ലേബര്‍ വെല്‍ഫെയര്‍ ഫണ്ട് ബോര്‍ഡ് വരിക്കാരായ തൊഴിലാളികളുടെ മക്കള്‍ക്ക് എല്‍ ബി എസ് സെന്റര്‍ ഫോര്‍ സയന്‍സ് ആന്റ് ടെക്‌നോളജിയുടെ എറണാകുളം, കോഴിക്കോട് കേന്ദ്രങ്ങളില്‍ നടത്തുന്ന പി .ജി .ഡി .സി .എ കോഴ്‌സിന് അപേക്ഷിക്കാം.
യോഗ്യത സര്‍വകലാശാല ബിരുദം. 5000 രൂപക്ക് മുകളില്‍ വരുമാനമുള്ളവര്‍ക്ക് ഫീസിന്റെ 50 ശതമാനവും 5000 രൂപക്ക് താഴെ വരുമാനമുള്ളവര്‍ക്ക് ഫീസിന്റെ 75 ശതമാനവും ഫീസിളവ് ലഭിക്കും. പട്ടികജാതിപട്ടികവര്‍ഗ വിഭാഗക്കാര്‍ക്ക് ഫീസ് സൗജന്യവും 10 ശതമാനം സീറ്റ് സംവരണവും ലഭിക്കും. അപേക്ഷാ ഫോം ലേബര്‍ വെല്‍ഫെയര്‍ ഫണ്ട് ഇന്‍സ്‌പെക്ടറുടെ ജില്ലാ കാര്യലയത്തില്‍ നിന്നും 20 വരെ ലഭിക്കും.  അപേക്ഷിക്കേണ്ട അവസാന തീയതി 23. വിലാസം. ലേബര്‍ വെല്‍ഫെയര്‍ ഫണ്ട് ഇന്‍സ്‌പെക്ടര്‍, ക്യൂ എം സി  16765, കായല്‍വാരത്ത് ബില്‍ഡിംഗ്, താലൂക്ക് ഓഫീസിന് സമീപം, കൊല്ലം.