ചെയര്‍മാന്‍ സയ്യിദ് പൂക്കോയ തങ്ങള്‍ ബാ അലവിയുടെ നേതൃത്വത്തിലുള്ള യുഎഇ സുന്നി കൗണ്‍സില്‍ പ്രതിനിധികളായ ഡോ. അബ്ദുറഹ്മാന്‍ ബാഖവി ഒളവട്ടൂര്‍, അബ്ദുല്ല ചേലേരി, നഈം പുത്തൂര്‍, അബ്ദുല്‍ റസാഖ് വളാഞ്ചേരി പങ്കെടുക്കും. 

ദുബൈ: യുഎഇ സുന്നി കൗണ്‍സില്‍ എക്‌സിക്യൂട്ടീവ് യോഗം ജനുവരി 20ന് ദുബൈ ഗള്‍ഫ് സുപ്രഭാതം ഓഫീസില്‍ ചെയര്‍മാന്‍ സയ്യിദ് പൂക്കോയ തങ്ങള്‍ ബാ അലവിയുടെ അധ്യക്ഷതയില്‍ ചേര്‍ന്നു. ജനുവരി 28ന് ബാംഗളൂരുവില്‍ നടക്കുന്ന സമസ്ത 100-ാം വാര്‍ഷിക ഉദ്ഘാടന സമ്മേളനത്തില്‍ യുഎഇ സുന്നി കൗണ്‍സില്‍ പ്രതിനിധികളായ സയ്യിദ് പൂക്കോയ തങ്ങള്‍ ബാ അലവിയുടെ നേതൃത്വത്തില്‍ ഡോ. അബ്ദുറഹ്മാന്‍ ബാഖവി ഒളവട്ടൂര്‍, അബ്ദുല്ല ചേലേരി, നഈം പുത്തൂര്‍, അബ്ദുല്‍ റസാഖ് വളാഞ്ചേരി തുടങ്ങിയവരെ പങ്കെടുക്കും. പ്രതിനിധി സംഘം ജനുവരി 27ന് പുറപ്പെടും.
യോഗം കെ.എം കുട്ടി ഫൈസി അച്ചൂര്‍ ഉദ്ഘാടനം ചെയ്തു. സുപ്രഭാതം സിഇഒ മുസ്തഫ മാസ്റ്റര്‍ മുണ്ടുപാറ സംസാരിച്ചു.
യോഗത്തില്‍ സയ്യിദ് അബ്ദുറഹ്മാന്‍ തങ്ങള്‍, അബ്ദുല്ല നദ്‌വി (അബുദാബി),
ജലീല്‍ ഹാജി ഒറ്റപ്പാലം, ഷൗക്കത്ത് ഹുദവി (ദുബൈ), അഹ്മദ് സുലൈമാന്‍ ഹാജി, അബ്ദുല്ല ചേലേരി (ഷാര്‍ജ), ഷിഹാബുദ്ദീന്‍ തങ്ങള്‍, നൗഷാദ് തങ്ങള്‍ (അല്‍ ഐന്‍), നഈം പുത്തൂര്‍, അബൂബക്കര്‍, മുഹമ്മദലി ആയഞ്ചേരി, ശാക്കിര്‍ ഹുദവി (ഫുജൈറ), സയ്യിദ് ശുഐബ് തങ്ങള്‍, ഇസ്മായില്‍ (അജ്മാന്‍), ഷൗക്കത്ത് മൗലവി (ദൈദ്) തുടങ്ങിയവര്‍ പങ്കെടുത്തു. സുന്നി കൗണ്‍സില്‍ വര്‍ക്കിംഗ് സെക്രട്ടറി റസാഖ് വളാഞ്ചേരി സ്വാഗതവും ശാക്കിര്‍ ഹുദവി നന്ദിയും പറഞ്ഞു.